Ońtústik Qazaqstan oblysy kásipkerlik salasy boiynsha eń belsendi oblystardyń biri. Sondyqtan da munda kásibin iske asyrýǵa nietti adamdar kóp, biraq kóbinese olardyń óz biznesin jasaýǵa múmkinshiligi jetpei jatady.
Eń birinshi sebep - bul kepil múlkiniń joqtyǵy nemese jetkiliksizdigi. Osy máseleni sheshý maqsatynda «Ońtústik» investitsiialyq ortalyǵy «Agrarlyq nesie korporatsiiasy» AQ - men kelissóz júrgizip, «Daiyn biznes» degen jańa baǵdarlamany iske asyrmaq, dep habarlaidy OQO ákiminiń baspasóz qyzmeti.
Baǵdarlamanyń basty ereksheligi - kásipkerden avans retinde alǵashqy jarna alyp biznesti qurý, sonymen «Daiyn biznesti» kásipkerge ótkizip, sol biznestiń ózin kepildik retinde qabyldaidy. Bul protsess «Agrarlyq nesie korporatsiiasy» AQ - nan qarjy tartý arqyly júzege asyrylatyn bolady.
Atalǵan baǵdarlama aiasynda kompaniia birneshe baǵyt boiynsha jobalar ázirleýde. Olardyń biri jalpy aýmaǵy 45 gektar bolatyn «Badam» jylyjai ónerkásip keshenin qurý. «Badam» indýstrialdy aimaǵynda ornalasatyn jylyjaidyń 70 paiyzy jergilikti taýar óndirýshilerdiń taýarlarymen jabdyqtalatyn bolady.
Sonymen qatar, táýligine 1000 litr sút ónimderin óńdeý jáne satýǵa qaýqarly «Aýyldyq sút zaýytyn qurý». Sút zaýyty - zerthana, sút qabyldaý bólimi, tońazytqysh, jabdyqtardy sanitarlyq tazartý, shaǵyn dúken siiaqty bólimderden quralatyn bolady.
Osyndai júie negizinde táýligine 1000 kg. shujyq ónimderin óńdeý jáne satýǵa qaýqarly «Aýyldyq shujyq tsehyn qurý» jobasy boiynsha da jumystar júrgizilýde. Bul jobalar tolyq iske qosylatyn dárejege jetkizilip, «daiyn biznes» retinde kásipkerge lizing etip usynylatyn bolady.
