Ońtústik Qazaqstan oblysy Arys aýdanynda jergilikti politsiia men tabiǵatty qorǵaý politsiiasynyń qyzmetkerleri ferýla-dárilik ósimdikterin jinaýmen ainalysqan Aýǵanstannyń 51 azamatyn ustady, dep habarlaidy QazAqparat tilshisi.
Oblystyq IID-niń málimetinshe, reidtik is-shara barysynda sheteldikterdiń qujattaryn tekserý kezinde olardyń oblys aýmaǵynda eńbek etýge ruqsattama qujatynsyz júrgeni anyqtalǵan. Osydan keiin tártip saqshylary olardy Arys qalalyq ishki ister basqarmasyna jetkizip, kóshi-qon politsiiasyna tapsyrǵan.
Qazirgi tańda zań buzýshylarǵa qatysty QR ÁQBtK-niń 517-babymen is qozǵalyp, tergeý amaldary júrgizilýde. Jinaqtalǵan materialdar protsessýaldy sheshim shyǵarý úshin sotqa joldanady.
Aita keteiik, buǵan deiin de dárilik ósimdikti zańsyz jinaýmen ainalysyp júrgen júzdegen aýǵandyq Saryaǵash aýdanynan ustalǵan bolatyn. Olardyń da Qazaqstanda jumys isteýge ruqsat qaǵazy bolmaǵan. Sheteldikterge ákimshilik shara qoldanylyp, elden alastatyldy.
