وڭتٷستٸك قازاقستان وبلىسى ارىس اۋدانىندا جەرگٸلٸكتٸ پوليتسييا مەن تابيعاتتى قورعاۋ پوليتسيياسىنىڭ قىزمەتكەرلەرٸ فەرۋلا-دەرٸلٸك ٶسٸمدٸكتەرٸن جيناۋمەن اينالىسقان اۋعانستاننىڭ 51 ازاماتىن ۇستادى, دەپ حابارلايدى قازاقپارات تٸلشٸسٸ.
وبلىستىق ٸٸد-نٸڭ مەلٸمەتٸنشە, رەيدتٸك ٸس-شارا بارىسىندا شەتەلدٸكتەردٸڭ قۇجاتتارىن تەكسەرۋ كەزٸندە ولاردىڭ وبلىس اۋماعىندا ەڭبەك ەتۋگە رۇقساتتاما قۇجاتىنسىز جٷرگەنٸ انىقتالعان. وسىدان كەيٸن تەرتٸپ ساقشىلارى ولاردى ارىس قالالىق ٸشكٸ ٸستەر باسقارماسىنا جەتكٸزٸپ, كٶشٸ-قون پوليتسيياسىنا تاپسىرعان.
قازٸرگٸ تاڭدا زاڭ بۇزۋشىلارعا قاتىستى قر ەقبتك-نٸڭ 517-بابىمەن ٸس قوزعالىپ, تەرگەۋ امالدارى جٷرگٸزٸلۋدە. جيناقتالعان ماتەريالدار پروتسەسسۋالدى شەشٸم شىعارۋ ٷشٸن سوتقا جولدانادى.
ايتا كەتەيٸك, بۇعان دەيٸن دە دەرٸلٸك ٶسٸمدٸكتٸ زاڭسىز جيناۋمەن اينالىسىپ جٷرگەن جٷزدەگەن اۋعاندىق سارىاعاش اۋدانىنان ۇستالعان بولاتىن. ولاردىڭ دا قازاقستاندا جۇمىس ٸستەۋگە رۇقسات قاعازى بولماعان. شەتەلدٸكتەرگە ەكٸمشٸلٸك شارا قولدانىلىپ, ەلدەن الاستاتىلدى.
