Búgin OQO Óńirlik kommýnikatsiialar qyzmetinde Ońtústik Koreianyń úzdik klinikalarynda tájiribe almasyp qaitqan birqatar aýdandyq aýrýhanalardyń bas dárigerleri brifing berdi, dep habarlaidy oblys ákiminiń baspasóz qyzmeti.
Ońtústik Qazaqstan oblysynyń aýdandyq ortalyq aýrýhanalarynyń bas dárigerlerinen quralǵan 20 maman oblys ákiminiń qoldaýymen, densaýlyq saqtaý basqarmasynyń uiymdastyrýmen Ońtústik Koreia respýblikasyna baryp, tájiribe almasyp qaitqan edi.
Spikerlerdiń aitýynsha, jumys sapardyń basty maqsaty - dúniedegi aldyńǵy qatarly meditsinasy damyǵan elderdiń biri sanalatyn Ońtústik Koreia memleketiniń meditsinalyq kómek kórsetý júiesiniń jumysymen tanysý. Brifingte óz oiymen bólisken Saryaǵash aýdandyq aýrýhanasynyń bas dərigeri, top jetekshisi Ibragim Tashev óńirden barǵan delegatsiialar kompiýterlik-aqparattyq júieniń jumys tártibimen, meditsinalyq saqtandyrý júiesiniń erekshelikterimen, insýlt alǵan naýkastarǵa kórsetiletin kómek, insýlttan keiingi reabilitatsiia jumystaryn uiymdastyrý máselelerimen tanysqanyn atap ótti.
«Biz eń aldymen 3 aýrýhanadan turatyn SEM meditsinalyq klinikasynyń jumysymen tanysýdan bastadyq. Gospitalda meditsinanyń barlyq salalary boiynsha bólimsheler bar, jáne olar kásibi mamandarmen zamanaýi meditsinalyq qural-jabdyqtarmen qamtamasyz etilgen. Sondai-aq, zamanaýi talaptarǵa sai keletin emdeý keshenderi qataryna kiretin Adjý ýniversitettik klinikasynyń jumysyn kórdik. Onda bar-joǵy 80 stýdent dáris alady. Klinika ujymynyń aitýynsha, bul úzdik meditsinalyq mamandardy daiyndaýdyń kepili eken», - deidi Ibragim Tashev.
Munymen qosa, ońtústikqazaqstandyq 20 dáriger Kengido provintsiiasynyń vitse-meri men densaýlyq saqtaý ministriniń qabyldaýynda boldy. Onda qos tarap provintsiia meditsina salasynyń jetistikteri men meditsinalyq saqtandyrý júiesiniń jumysy jaily sóz qozǵaǵan.
Baspasóz konferentsiiasynda sóz alǵan Shardara aýdandyq emhanasynyń bas dárigeri Janar Ospanova meditsinalyq saqtandyrý júiesin endirýde elý jyldyq tájiribe bar Ońtústik Koreianyń júiesin óńirimizde júzege asyrýǵa bolatynyn aitty.
Arys aýdandyq ortalyq aýrýhanasynyń bas dárigeri Erǵali Əlimbaevtyń aitýynsha, Ońtústik Koreiada Seýl ýniversitettik aýrýhanasynan basqa barlyq gospitaldar tolyǵymen jekemenshik eken. Ondaǵy meditsinalyq kómektiń barlyǵy, onyń ishinde jedel járdem qyzmeti de aqyly túrde kórsetiledi. Al, saqtandyrý qoryna azamattar óziniń 20 paiyz tabysyn ótkizip otyrady eken. Sol sebepten, klinikalardyń jańa qural saimandarmen jabdyqtalyp, patsientterge zamanaýi úlgide diagnostikalyq jáne emdik kómek kórsetýine múmkindik bar.
Jalpy sapar qorytyndysymen dárigerler oblysta halyq arasynda sanitarlyq aǵartý jumystaryn jandandyrý, BMSK deńgeiin kóterý, aýdandyq aýrýhanalarda reabilitatsiia bólimshelerin ashý, insýlttiń aldyn alý jáne reabilitatsilyq kómekti jandandyrý jáne osy jumystarǵa qoǵamdyq uiymdar men ákimshilik qyzmetkerlerdi jumyldyrý boiynsha jumystardy damytý qajet dep túigen.
Aita keteiik, osy jyldyń sáýir aiynda Ońtústik Koreia respýblikasynyń bir top úzdik dárigerleri Shymkentte elimizdiń ár óńirinen kelgen meditsina mamandaryna master-klasstar ótkizip, dáris oqyp, tájiribelerimen bólisken edi. Onda Ońtústik Koreianyń aldyńǵy qatarly 4 klinikasymen yntymaqtastyqty arttyrý maqsatynda Ońtústik Qazaqstan oblysynyń densaýlyq saqtaý basqarmasy men Koreia Respýblikasy densaýlyq saqtaý indýstriiasyn damytý institýty (KHIDI) arasynda túzilgen yntymaqtastyq memorandýmyna qol qoiylǵan bolatyn.
