Foto: Yonhap.com
Ońtústik Koreiada eldiń burynǵy birinshi hanymy Kim Gon Hi aktsiialar baǵasymen zańsyz manipýliatsiia jasaý, sailaý protsesine aralasý jáne para alý aiyptarymen tutqyndaldy, dep habarlaidy Ult.kz Yonhap agenttigine silteme jasap.
Kim Seýldegi Ońtústik tergeý izoliatoryna jetkizilip, qamaýǵa alyndy. Onyń jáne kúieýi — burynǵy prezident Iýn Sok Ioldiń bir mezette túrmege túsýi el tarihynda alǵash ret prezidenttik juptyń qatar qamaýǵa alynýy bolyp otyr.
Arest orderi arnaiy prokýror Min Chjýn Gi bastaǵan toptyń suraýynan bes kún ótken soń berilgen. Tergeý málimetinshe, Kim kapital naryǵy týraly zańdy, saiasi qorlar týraly zańdy jáne paraqorlyqqa deldaldyqqa tyiym salatyn zańdy buzǵan.
Aiyptaý qorytyndysynda 2009–2012 jyldary Kim Ońtústik Koreiadaǵy BMW dileri — Deutsch Motors kompaniiasynyń aktsiia baǵasyn manipýliatsiialaý shemasyna qatysqany kórsetilgen. Sondai-aq ol 2022 jylǵy qosymsha sailaýlar men 2024 jylǵy parlament sailaýynda kandidattardy irikteý protsesine yqpal etkeni aitylady. Budan bólek, Birigý shirkeýinen biznes qyzmetteri úshin qymbat syilyqtar alǵan degen kúdik bar.
16 qylmystyq is boiynsha aiyptardyń arasynda Ianphion ýezinde (Kim otbasynyń ieliginde jer bar) jyldam tas joldyń sońǵy núktesin ózgertý jáne sol aimaqtaǵy turǵyn úi kesheni qurylysy kezinde artyqshylyq alý áreketteri de bar.
Buǵan deiin tergeý kezinde Kim óz kinásin moiyndamai, barlyq aiyptardy joqqa shyǵarǵan. Degenmen ol «eshkimmin» dep keshirim suraǵan.
