فوتو: Yonhap.com
وڭتٷستٸك كورەيادا ەلدٸڭ بۇرىنعى بٸرٸنشٸ حانىمى كيم گون حي اكتسييالار باعاسىمەن زاڭسىز مانيپۋلياتسييا جاساۋ, سايلاۋ پروتسەسٸنە ارالاسۋ جەنە پارا الۋ ايىپتارىمەن تۇتقىندالدى, دەپ حابارلايدى Ult.kz Yonhap اگەنتتٸگٸنە سٸلتەمە جاساپ.
كيم سەۋلدەگٸ وڭتٷستٸك تەرگەۋ يزولياتورىنا جەتكٸزٸلٸپ, قاماۋعا الىندى. ونىڭ جەنە كٷيەۋٸ — بۇرىنعى پرەزيدەنت يۋن سوك يولدٸڭ بٸر مەزەتتە تٷرمەگە تٷسۋٸ ەل تاريحىندا العاش رەت پرەزيدەنتتٸك جۇپتىڭ قاتار قاماۋعا الىنۋى بولىپ وتىر.
ارەست وردەرٸ ارنايى پروكۋرور مين چجۋن گي باستاعان توپتىڭ سۇراۋىنان بەس كٷن ٶتكەن سوڭ بەرٸلگەن. تەرگەۋ مەلٸمەتٸنشە, كيم كاپيتال نارىعى تۋرالى زاڭدى, ساياسي قورلار تۋرالى زاڭدى جەنە پاراقورلىققا دەلدالدىققا تىيىم سالاتىن زاڭدى بۇزعان.
ايىپتاۋ قورىتىندىسىندا 2009–2012 جىلدارى كيم وڭتٷستٸك كورەياداعى BMW ديلەرٸ — Deutsch Motors كومپانيياسىنىڭ اكتسييا باعاسىن مانيپۋلياتسييالاۋ سحەماسىنا قاتىسقانى كٶرسەتٸلگەن. سونداي-اق ول 2022 جىلعى قوسىمشا سايلاۋلار مەن 2024 جىلعى پارلامەنت سايلاۋىندا كانديداتتاردى ٸرٸكتەۋ پروتسەسٸنە ىقپال ەتكەنٸ ايتىلادى. بۇدان بٶلەك, بٸرٸگۋ شٸركەۋٸنەن بيزنەس قىزمەتتەرٸ ٷشٸن قىمبات سىيلىقتار العان دەگەن كٷدٸك بار.
16 قىلمىستىق ٸس بويىنشا ايىپتاردىڭ اراسىندا يانپحيون ۋەزٸندە (كيم وتباسىنىڭ يەلٸگٸندە جەر بار) جىلدام تاس جولدىڭ سوڭعى نٷكتەسٸن ٶزگەرتۋ جەنە سول ايماقتاعى تۇرعىن ٷي كەشەنٸ قۇرىلىسى كەزٸندە ارتىقشىلىق الۋ ەرەكەتتەرٸ دە بار.
بۇعان دەيٸن تەرگەۋ كەزٸندە كيم ٶز كٸنەسٸن مويىنداماي, بارلىق ايىپتاردى جوققا شىعارعان. دەگەنمەن ول «ەشكٸممٸن» دەپ كەشٸرٸم سۇراعان.
