Dúisenbi kúni Ońtústik Koreianyń ortalyq aýdandary men Seýlda tolassyz nóser jańbyr jaýyp, úiler men joldardy sý basty. Bilik jaǵalaý maǵyndaǵy jáne taýly aýdandardy jabýǵa májbúr bolyp otyr. Bul týraly "Ult aqparat" Rionhap agenttigine silteme jasap habarlaidy.
Kanvondo taýly provintsiiasyndaǵy Chhýnchhon qalasynda, sondai-aq Kionggi provintsiiasy aýmaǵyna saǵatyna 100 mm jańbyr jaýǵan.
Seýlde ońtústiktegi Kannam aýdanynda jolda eni 2 metr jáne tereńdigi 1,5 metrlik shuńqyr paida bolǵan. Bilik joldy qalpyna keltirip jatyr. Seýldiń taǵy bir aýdanynda bilik sý basqan úilerdiń sýyn sorǵyzyp, daýyl kezinde qulaǵan aǵashtardy alyp tastady.
Han ózeniniń boiyndaǵy kóptegen saiabaqtarǵa kirýge tyiym salyndy, sebebi ózendegi sýdyń deńgeii birden kóterilgen. Budan bólek, bilik qaiǵyly oqiǵalardyń aldyn alý maqsatynda taýly aimaqtarǵa barýǵa shekteý saldy.
Tótenshe jaǵdailar jónindegi ortalyq agenttiktiń málimetinshe, qatty jaýyn-shashyn saldarynan alty adam qaza taýyp, segizi iz-túzsiz joǵalyp ketken. Kem degende 190 úi zaqymdalyp, 818 adam óz úilerin tastap ketýge májbúr bolǵan.
Ońtústik Koreia prezidenti Mýn Chje In osy jaǵdaiǵa bailanysty josparlanǵan jazǵy demalysynan bas tartty.
