دٷيسەنبٸ كٷنٸ وڭتٷستٸك كورەيانىڭ ورتالىق اۋداندارى مەن سەۋلدا تولاسسىز نٶسەر جاڭبىر جاۋىپ, ٷيلەر مەن جولداردى سۋ باستى. بيلٸك جاعالاۋ ماعىنداعى جەنە تاۋلى اۋدانداردى جابۋعا مەجبٷر بولىپ وتىر. بۇل تۋرالى "ۇلت اقپارات" ريونحاپ اگەنتتٸگٸنە سٸلتەمە جاساپ حابارلايدى.
كانۆوندو تاۋلى پروۆينتسيياسىنداعى چحۋنچحون قالاسىندا, سونداي-اق كيونگگي پروۆينتسيياسى اۋماعىنا ساعاتىنا 100 مم جاڭبىر جاۋعان.
سەۋلدە وڭتٷستٸكتەگٸ كاننام اۋدانىندا جولدا ەنٸ 2 مەتر جەنە تەرەڭدٸگٸ 1,5 مەترلٸك شۇڭقىر پايدا بولعان. بيلٸك جولدى قالپىنا كەلتٸرٸپ جاتىر. سەۋلدٸڭ تاعى بٸر اۋدانىندا بيلٸك سۋ باسقان ٷيلەردٸڭ سۋىن سورعىزىپ, داۋىل كەزٸندە قۇلاعان اعاشتاردى الىپ تاستادى.
حان ٶزەنٸنٸڭ بويىنداعى كٶپتەگەن ساياباقتارعا كٸرۋگە تىيىم سالىندى, سەبەبٸ ٶزەندەگٸ سۋدىڭ دەڭگەيٸ بٸردەن كٶتەرٸلگەن. بۇدان بٶلەك, بيلٸك قايعىلى وقيعالاردىڭ الدىن الۋ ماقساتىندا تاۋلى ايماقتارعا بارۋعا شەكتەۋ سالدى.
تٶتەنشە جاعدايلار جٶنٸندەگٸ ورتالىق اگەنتتٸكتٸڭ مەلٸمەتٸنشە, قاتتى جاۋىن-شاشىن سالدارىنان التى ادام قازا تاۋىپ, سەگٸزٸ ٸز-تٷزسٸز جوعالىپ كەتكەن. كەم دەگەندە 190 ٷي زاقىمدالىپ, 818 ادام ٶز ٷيلەرٸن تاستاپ كەتۋگە مەجبٷر بولعان.
وڭتٷستٸك كورەيا پرەزيدەنتٸ مۋن چجە ين وسى جاعدايعا بايلانىستى جوسپارلانعان جازعى دەمالىسىنان باس تارتتى.
