Seisenbi kúni Ońtústik Koreiada koronavirýsty juqtyrýdyń taǵy 600 jaǵdaiy tirkeldi. Osylaisha elde aýrýǵa shaldyqqandardyń sany 4812 adamǵa jetti, dep habarlaidy Yonhap.
Sońǵy derekterge qaraǵanda, virýstan Ońtústik Koreiada 28 adam kóz jumǵan.
Elde aýrýdy juqtyrýdyń 60 paiyzǵa jýyq oqiǵasy Tegý qalasyndaǵy Sinchhondji (Shincheonji) dini sektasynyń múshelerimen bailanysty bolyp otyr. Tegý – Ońtústik Koreiadaǵy 2,5 millionǵa jýyq turǵyny bar iri qala.
Eldiń Ádilet ministrliginiń málimetinshe, bul dini sektanyń birneshe múshesi ótken aptada Qytaida koronavirýs shyqqan qala Ýhanda bolǵan.
Koreianyń aýrýlardy qadaǵalaý jáne aldyn alý ortalyǵynyń málimeti boiynsha, elde indet juqtyrýdyń 519 jańa oqiǵasy Tegý qalasynda jáne taǵy 61-i – oǵan kórshiles Soltústik Kionsando provintsiiasynda tirkeldi.
Seýl qalasynda koronavirýsty juqtyrýdyń taǵy jeti oqiǵasy tirkelgen.
Ońtústikkoreialyq sarapshylar elde koronavirýsty juqtyrýdyń rastalǵan oqiǵalary aldaǵy kúnderi ósetinin boljap otyr. Densaýlyq saqtaý organdary Tegý qalasyndaǵy Isa Sinchhondji shirkeýiniń (Shincheonji Church of Jesus) 210 myńnan astam múshesin tekserýge kiristi.
Buǵan deiin habarlanǵandai, Ońtústik Koreiadaǵy qazaqstandyqtardy koronavirýs saldarynan konsýldyq esepke turýdy surap jatyr.
