Ońtústik Koreiada jańa koronavirýstan jetinshi adam qaza tapty, taǵy 161 adam indet juqtyrdy, dep habarlaidy Rionhap.
Osylaisha, elde jalpy dertke shaldyqqandar sany 763 boldy.
Densaýlyq saqtaý organdary ókilderiniń aitýynsha, Chhonda ońtústik-shyǵys aýmaǵyndaǵy emhanaǵa barǵan 62 jastaǵy er azamat jeksenbi kúni koronavirýstan ómirden ótti.
Qazirgi ýaqytta Qytaidan kelgen indet jeti adamnyń ómirin qidy.
Bilik ókilderi virýs taralyp jatqan eki negizgi oshaqty atady, olar – ońtústik-shyǵystaǵy Tegý qalasyndaǵy dini sekta men kórshiles Chhonodaǵy emhana. Eldegi dertke shaldyqqandardyń jartysynan kóbi osy aýmaqta tirkelgen.
Virýs juqtyrǵan jańa 161 adamnyń 142-i Seýlden ońtústik-shyǵysqa qarai 300 km qashyqtyqta ornalasqan Tegý qalasy men kórshiles Soltústik Kensanda anyqtaldy. Taǵy úsh oqiǵa Seýlde tirkeldi, delingen Korei aýrýlardy baqylaý jáne aldyn alý ortalyǵynyń málimdemesinde.
Jeksenbi kúni Ońtústik Koreia virýsty eskertý dárejesin eń joǵarǵy – «qyzylǵa» deiin kóterdi. Bul 2009 jyly H1N1shoshqa tumaýy taralǵan ýaqyttan bergi alǵashqy qaýip jaǵdaiy.
Joǵarǵy dáreje bilik ókilderine mektepterdi ýaqytsha jabýǵa, Ońtústik Koreiadan shyǵatyn jáne keletin reisterdiń sanyn qysqartýǵa múmkindik beredi.
Koronavirýstyń taralyp ketýin boldyrmas úshin Bilim ministrligi barlyq balabaqshalar men mektepterge jańa semestrdiń bastalýyn bir aptaǵa shegere turýdy tapsyrdy.
