Dúisenbi kúni Ońtústik Koreia úkimeti koronavirýs juqtyrǵandar sanynyń rekordtyq deńgeige jetkenin jariialady. Bul týraly Rionhap.
Budan buryn habarlanǵandai, indettiń oshaǵy ońtústik-shyǵystaǵy Tegý qalasynda ornalasqan. Densaýlyq saqtaý ókilderi virýstyń elde taralmaýyn toqtatý úshin bar kúshin salýda.
231 virýs juqtyrý jaǵdaiy tirkeldi. Ońtústik Koreiada koronavirýs juqtyrǵandardyń jalpy sany – 833. Buǵan qosa, Tegý qalasyna jaqyn ornalasqan Chhondo shtatynda aýrýhanaǵa barǵan 62 jastaǵy er adam kóz jumdy. Bul – eldegi koronavirýstan mert bolǵan jetinshi adam.
Dúisenbi turǵyndar sany 2,5 mln jýyq adamdy quraityn Tegý qalasynda virýs juqtyrǵandar sany birden ósti – 196-dan 483 adamǵa jetti. Qala turǵyndaryna úilerinen shyqpaýǵa keńes berilip jatyr.
Aýrýdyń taralǵan negizgi eki oshaǵy – dini sekta ornalasqan Tegý qalasy men kórshi Chhondo shtaty.
Bul óńirderde virýs juqtyrǵandar sany eldegi koronavirýsqa shaldyqqandardyń úshten birin qurap otyr. Aýrý juqtyrǵandardyń 60 protsenti Tegýdegi Sinchhondjide ornalasqan shirkeýdegi siynýshylarmen, 15 protsenti – Chhondodaǵy Daen aýrýhanasymen bailanysty.
Virýs juqtyrǵan adamdar sanynyń artýy Koreia ekonomikasynyń tómendeýine ákelip soqtyryp jatyr. Prezident Mýn Chje In sheneýnikterdi koronavirýstyń ekonomikaǵa yqpalyn jeńildetý úshin qosymsha biýdjettiń qajettiligi týraly máseleni qarastyrýdy bastaýǵa shaqyrdy.
