Ońtústik Koreiada Qazaqstannyń 2 azamaty qaza tapty. Bul aqparatty QR Syrtqy ister ministrliginiń resmi ókili Aibek Smadiiarov rastady, dep habarlaidy "Ult aqparat".
«2020 jylǵy 12 qazanda Ońtústik Koreiada eki qazaqstandyq qaza tapty. Jergilikti politsiianyń diplomattarymyzǵa bergen aldyn ala aqparatyna sáikes, jumys ornynda qaýipsizdik erejelerin saqtamaý saldarynan alǵan jaraqattan qaza bolǵan. Atalǵan jaǵdailar boiynsha tergeý jumystary bastaldy. Otandastarymyz Koreiada zańsyz júrgenin atap ótý qajet», - dedi ol.
Resmi ókildiń atap ótýinshe, marqumdardyń týystarymen bailanys ornatylǵan.
«Elshiliktiń konsýldyq bólimi barlyq qajetti qujattardy rásimdep, azamattarymyzdyń múrdelelerin elge jetkizý boiynsha tiisti sharalardy qabyldaýda», - dedi ol.
