QR Bas prokýrorynyń orynbasary Marat Ahmetjanov Koreia Respýblikasynda Qazaqstannyń 26 azamaty qylmystyq jaýapqa tartylyp jatqanyn aitty, dep habarlaidy "Ult aqparat".
«Koreiada sottalǵan 25 adamdy qaitarýǵa tolyq múmkindik bar. Ókinishke qarai, Qazaqstannyń taǵy 26 azamaty qylmystyq jaýapqa tartylyp jatyr. Olarǵa qatysty sot úkimi zańdy kúshine enbedi», - dedi M. Ahmetjanov Májilistiń jalpy otyrysynda.
Budan buryn habarlanǵandai, Parlament Májilisiniń jalpy otyrysynda «Qazaqstan Respýblikasy men Koreia Respýblikasynyń arasyndaǵy sottalǵan adamdardy berý týraly shartty ratifikatsiialaý týraly» zań jobasy maquldandy.
Bul qujat aiasynda Koreiada sottalǵan 25 qazaqstandyqty elge qaitarýǵa múmkindik jasalmaq.
«Búgingi tańda Koreiada 25 qazaqstandyq jazasyn ótep jatyr. Bizde Koreianyń bir azamaty jazaǵa tartyldy. Usynylyp otyrǵan kelisimge ratifikatsiia jasalǵan jaǵdaida bul azamattardy elge qaitarýǵa múmkindik týady. Olar elge kelip, áleýmettik ortasynda jazasyn óteidi», - dedi M. Ahmetjanov.
