©️ Yonhap
Ońtústik Koreiada 29 jeltoqsanda Mýan áýejaiynda apatqa ushyraǵan Jeju Air aviakompaniiasynyń ushaǵyndaǵy eki borttyq jazý qurylǵysynyń birinen derekter alyndy, - dep habarlaidy The Hankyoreh basylymyna silteme jasap Tengrinews.kz.
Sóz ushqyshtar kabinasynda ornatylǵan ózdiginen jazatyn qurylǵy jaily bolyp otyr. Bul qurylǵy ushqysh pen áýe dispetcheri arasyndaǵy áńgimelerdi jazǵan.
"Ushqyshtar kabinasyndaǵy áńgimelerdi tirkeitin dybystyq jazý qurylǵysynan derekter alý aiaqtaldy. Búgin olardy dybystyq faildarǵa túrlendirý jumystary bastaldy", – dep málimdedi Ońtústik Koreia Kólik ministrliginiń Azamattyq aviatsiia departamentiniń direktory Chjý Chjon Van.
Áńgimelerde qusqa soqtyǵysý saldarynan qozǵaltqyshtyń zaqymdanýy, basqarý tetikteriniń jumys istemeý deńgeii jáne qoný tetikteriniń isten shyǵýy saldarynan bolǵan apat týraly aqparat bolýy múmkin degen boljam bar. Sarapshylar ekinshi jazý qurylǵysynyń zaqymdanýy ondaǵy jazylǵan derekterdiń saqtalýyna áser etpegenin anyqtady. El biligi qara jáshikterdi taldaýdy jyldamdatatynyn, olardyń apat sebebin ashýda negizgi kilt ekenin atap ótti.
.jpg)
