©️ Yonhap
وڭتٷستٸك كورەيادا 29 جەلتوقساندا مۋان ەۋەجايىندا اپاتقا ۇشىراعان Jeju Air اۆياكومپانيياسىنىڭ ۇشاعىنداعى ەكٸ بورتتىق جازۋ قۇرىلعىسىنىڭ بٸرٸنەن دەرەكتەر الىندى, - دەپ حابارلايدى The Hankyoreh باسىلىمىنا سٸلتەمە جاساپ Tengrinews.kz.
سٶز ۇشقىشتار كابيناسىندا ورناتىلعان ٶزدٸگٸنەن جازاتىن قۇرىلعى جايلى بولىپ وتىر. بۇل قۇرىلعى ۇشقىش پەن ەۋە ديسپەتچەرٸ اراسىنداعى ەڭگٸمەلەردٸ جازعان.
"ۇشقىشتار كابيناسىنداعى ەڭگٸمەلەردٸ تٸركەيتٸن دىبىستىق جازۋ قۇرىلعىسىنان دەرەكتەر الۋ اياقتالدى. بٷگٸن ولاردى دىبىستىق فايلدارعا تٷرلەندٸرۋ جۇمىستارى باستالدى", – دەپ مەلٸمدەدٸ وڭتٷستٸك كورەيا كٶلٸك مينيسترلٸگٸنٸڭ ازاماتتىق اۆياتسييا دەپارتامەنتٸنٸڭ ديرەكتورى چجۋ چجون ۆان.
ەڭگٸمەلەردە قۇسقا سوقتىعىسۋ سالدارىنان قوزعالتقىشتىڭ زاقىمدانۋى, باسقارۋ تەتٸكتەرٸنٸڭ جۇمىس ٸستەمەۋ دەڭگەيٸ جەنە قونۋ تەتٸكتەرٸنٸڭ ٸستەن شىعۋى سالدارىنان بولعان اپات تۋرالى اقپارات بولۋى مٷمكٸن دەگەن بولجام بار. ساراپشىلار ەكٸنشٸ جازۋ قۇرىلعىسىنىڭ زاقىمدانۋى ونداعى جازىلعان دەرەكتەردٸڭ ساقتالۋىنا ەسەر ەتپەگەنٸن انىقتادى. ەل بيلٸگٸ قارا جەشٸكتەردٸ تالداۋدى جىلدامداتاتىنىن, ولاردىڭ اپات سەبەبٸن اشۋدا نەگٸزگٸ كٸلت ەكەنٸن اتاپ ٶتتٸ.
.jpg)
