Búgin Ońtústik Qazaqstanda jergilikti politsiia qyzmetkerlerine 143 qyzmettik avtokóliktiń kilti tapsyryldy, dep habarlaidy "Ult aqparat".
Elbasynyń Bes institýtsionaldyq reformany júzege asyrý jónindegi «100 naqty qadam» Ult josparyn iske asyrý aiasynda uiymdastyrylǵan sharaǵa oblys ákimi Janseiit Túimebaev qatysyp, birqatar sala qyzmetkerlerine avtokólikterdiń kiltin tabystady.
«Elbasynyń bastamasymen qurylǵan Jergilikti politsiia qyzmetine halyqtyń artar senimi mol. Sondyqtan, Sizder qoǵamdyq tártip pen azamattardyń qaýipsizdigin qamtamasyz etý jolyndaǵy mindetterdi tabysty júzege asyrý kereksizder. Jergilikti atqarýshy bilik pen politsiiaǵa ortaq mindetter qoiylyp, kóptegen jobalar birlesip iske asyrylýda. Jergilikti bilikpen kórsetilgen qoldaý, jergilikti politsiia qyzmeti tarapynan quqyq buzýshylyqty azaityp, qoǵamdyq jáne jol tártibi men qaýipsizdigin saqtaýǵa oń septigin tigizetin bolady dep senemin», - dedi óńir basshysy.
Tártip saqshylary jańa avtokólikterdi azamattardyń qoǵamdyq qaýipsizdigin saqtaý maqsatynda, qylmystardy ashý, quqyqbuzýshylardy ustaý jáne oblys ortalyǵy men aýdandarda kóshelerdi patrýldeý men qoǵamdyq qaýipsizdikti saqtaý maqsatynda paidalanatyn bolady. Atalǵan «JAS S5» jáne LADA 21214-Niva» markaly temirtulparlar Ult josparynyń 30-qadamyna sáikes, oblys ákimdigi tarapynan jergilikti politsiianyń materialdyq-tehnikalyq jaǵdaiyn nyǵaitýǵa qaralǵan 2,5 mlrd. teńge qarjy aiasynda alynyp otyr.
Jiynda, budan bólek, oblystyq máslihat hatshysy Qairat Balabiev pen Ishki ister organdary ardagerler keńesiniń tóraǵasy Serjan Tursynbekov quttyqtaý sóz sóilep, aldaǵy ýaqytta sala qyzmetkerleriniń jumys sapasy odan ári artatynyna senim bildirdi. Sondai-aq, oblys ákimimen birge qyzmettik avtokólikterdi aralap kórdi. Odan soń, saltanatty sharaǵa qatysýshylar men qonaqtar jeke quramnyń saltanatty sherýin tamashalady.
Aita ketý kerek, saladaǵy atqarylǵan jumystar nátijesinde búgingi tańda, oblysta jalpy quqyqbuzýshylyq 16 paiyzǵa tússe, asa aýyr qylmystar 4 paiyzǵa, aýyr qylmystar 15,6 paiyzǵa kemidi. Sonymen qatar, qoǵamdyq oryndar men kóshelerde jasalatyn qylmystar 23 paiyzǵa tómendep otyr.
