Ońtústik Qazaqstan oblysynda kooperativterdi qurý jumystaryn jeńildetý jáne damytý boiynsha birqatar is-sharalar atqaryldy, oblys ákiminiń baspasóz qyzmeti.
Munan bólek, kooperativterdi qurý jáne qarjylandyrý boiynsha 14 aýdanda túsindirý jumystary júrgizildi.
Qarjylandyrý lizing formasynda tómendetilgen paiyzben (8 paiyzben) 84 aiǵa, al jeńildetilgen tólem merzimi 24 aiǵa deiin beriledi. Sonymen qosa, kooperativterge lizing usyný boiynsha birqatar jeńildikter qarastyrylǵan.
Atap aitatyn bolsaq, kooperativterge arnaiy jeńildetilgen, iaǵni koperativterden kepildeme jáne avanstyq tólem talap etilmeitin qarjylandyrý mehanizmi jasaldy. Koperativter invest-sýbsidiia alý arqyly biznesti jarty qunyna qurý múmkindigine ie bolady. Osy jeńildiktiń bárin «Ońtústik» AIO men «Yrys» mikro qarjy uiymy oblystaǵy kásibin dóńgeletkisi kelgen árbir kásipkerge usynyp otyr.
Aldyńǵy aida oblys áikimi J.Túimebaev kooperativ tóraǵalaryna 10 modýldi sút qabyldaý beketiniń kiltterin saltanatty túrde tabys etken bolatyn. Sonyń ishinde 7 modýldi sút qabyldaý beketin «Ońtústik» AIO jáne «Yrys» MQU qarjylandyrǵan.
Aita ketý kerek, sút qabyldaý beketterin qurastyrýshy Shymkent mehanikalyq zaýytyna da osy qarjy uiymy qoldaý kórsetken.
Sonymen qatar, «Ońtústik» aimaqtyq investitsiialyq ortalyqtyń yqpalymen osy jyly óńirde 11 kooperativ quryldy. Al jyl basynan beri 567 mln teńgege túrli baǵyttaǵy 28 kooperativ qarjylandyryldy.
Máselen, somasy 63 mln teńge bolatyn qus sharýashylyǵyndaǵy eki joba, et pen sútti qaita óńdeý boiynsha 133 mln teńgege on joba, aýyl sharýashylyq tehnikasyn alý úshin 180 mln teńgege bes joba, 181 mln teńgege mal sharýashylyǵyndaǵy on joba jáne 10 mln teńgege ósimdik sharýashylyǵyndaǵy bir joba qarjylandyrylǵan.
