Onlain petitsiia institýtyn da zań júzinde rásimdeýimiz kerek. Bul týraly 7-shi shaqyrylǵan Parlamenttiń 1-shi sessiiasyn ashqan QR Prezidenti Qasym-Jomart Toqaev aitty, dep habarlaidy "Ult aqparat".
«Altynshy - azamattyq qoǵam ókilderiniń belsendiligin arttyrý, jastar saiasatyn jetildirý jáne qaiyrymdylyq qyzmetin qoldaý. Ózderińiz bilesizder, jyl basynda men keibir zańnamalyq aktilerge qoǵamdyq keńester qyzmeti máseleleri boiynsha ózgerister men tolyqtyrýlar engizý týraly tiisti Zańǵa qol qoidym. Sol arqyly qoǵamdyq keńesterdiń ókilettigin edáýir kúsheittik», - dedi Memleket basshysy.
QR Prezidenti endi azamattyq belsendilikti arttyrý jolynda taǵy bir mańyzdy qadam jasalatyndyǵyn aitty.
«Bul - talqylanyp jatqan qoǵamdyq baqylaý týraly zań. Biz onlain petitsiia institýtyn da zań júzinde rásimdeýimiz kerek. Bul bastamalardyń maqsaty - memleket qyzmetiniń tiimdiligin arttyrý, sheshim qabyldaýǵa azamattyq qoǵamdy tartý», - dedi Qasym-Jomart Toqaev.
