Aqtóbede ózin «AQSh-tyń otstavkadaǵy ofitseri» retinde tanystyrǵan alaiaqqa senip qalǵan zeinetker áiel 1 million teńgesinen aiyryldy, dep habarlaidy ult.kz.
Oblystyq politsiianyń málimetinshe, 62 jastaǵy áiel áleýmettik jelilerdiń birinde sheteldik azamatpen tanysqan. Er adam ózin amerikalyq áskeri ofitser retinde tanystyryp, ekeýi uzaq ýaqyt hat almasqan. Ol jyly sóz aityp, bolashaqta kezdesetinin de ýáde etken.
Keiin kúdikti qarjylyq qiyndyqqa tap bolǵanyn aityp, Qazaqstanǵa kelgen soń aqshany tolyq qaitaratynyn jetkizgen. Senip qalǵan áiel oǵan birneshe ret aqsha aýdarǵan.
Alaida qarajat qolyna tigennen keiin er adam bailanysqa shyqpai qoiǵan. Aldanǵanyn túsingen áiel politsiiaǵa júgindi.
Atalǵan derek boiynsha sotqa deiingi tergeý amaldary júrgizilip jatyr.
Politsiia internet arqyly tanysqan beitanys adamdarǵa aqsha jibermeýge, jeke jáne bank derekterin qupiia ustaýǵa jáne kúmándi ótinishterge saq bolýǵa shaqyrady.
