اقتٶبەدە ٶزٸن «اقش-تىڭ وتستاۆكاداعى وفيتسەرٸ» رەتٸندە تانىستىرعان الاياققا سەنٸپ قالعان زەينەتكەر ەيەل 1 ميلليون تەڭگەسٸنەن ايىرىلدى, دەپ حابارلايدى ult.kz.
وبلىستىق پوليتسييانىڭ مەلٸمەتٸنشە, 62 جاستاعى ەيەل ەلەۋمەتتٸك جەلٸلەردٸڭ بٸرٸندە شەتەلدٸك ازاماتپەن تانىسقان. ەر ادام ٶزٸن امەريكالىق ەسكەري وفيتسەر رەتٸندە تانىستىرىپ, ەكەۋٸ ۇزاق ۋاقىت حات الماسقان. ول جىلى سٶز ايتىپ, بولاشاقتا كەزدەسەتٸنٸن دە ۋەدە ەتكەن.
كەيٸن كٷدٸكتٸ قارجىلىق قيىندىققا تاپ بولعانىن ايتىپ, قازاقستانعا كەلگەن سوڭ اقشانى تولىق قايتاراتىنىن جەتكٸزگەن. سەنٸپ قالعان ەيەل وعان بٸرنەشە رەت اقشا اۋدارعان.
الايدا قاراجات قولىنا تيگەننەن كەيٸن ەر ادام بايلانىسقا شىقپاي قويعان. الدانعانىن تٷسٸنگەن ەيەل پوليتسيياعا جٷگٸندٸ.
اتالعان دەرەك بويىنشا سوتقا دەيٸنگٸ تەرگەۋ امالدارى جٷرگٸزٸلٸپ جاتىر.
پوليتسييا ينتەرنەت ارقىلى تانىسقان بەيتانىس ادامدارعا اقشا جٸبەرمەۋگە, جەكە جەنە بانك دەرەكتەرٸن قۇپييا ۇستاۋعا جەنە كٷمەندٸ ٶتٸنٸشتەرگە ساق بولۋعا شاقىرادى.
