Óńirlerde qajetsiz jobalardy ázirleýdi boldyrmaý úshin josparlaý kezinde nysandy salalyq ortalyq memlekettik organdarmen aldyn ala kelisý engiziledi. Bul týraly Úkimet otyrysynda QR Indýstriia jáne infraqurylymdyq damýy ministri Beibit Atamqulov aitty, dep habarlaidy QazAqparat.
«Búgingi tańda biýdjettik investitsiialar esebinen iske asyrý kezinde úlgilik jobalardy mindetti túrde qoldaný zańnamamen belgilengen. Biyl 10 qańtarda saraptamanyń oń nátijesi bar 150 jobany quraityn qurylys jobalarynyń banki iske qosyldy», - dedi ministr
Onyń aitýynsha, 2020 jyldyń 1 mamyrynan bastap saraptama portalynda áleýmettik nysandar qurylysy qunynyń shekti limitterin belgileitin Onlain-kalkýliator iske qosyldy.
«Biýdjet zańnamasynda tyiym salynǵan endi biýdjetten rastalǵan qarjylandyrýsyz jobalardy ázirleýge jol berilmeidi. Qosymsha, óńirlerde qajetsiz jobalardy ázirleýdi boldyrmaý úshin josparlaý kezinde nysandy salalyq ortalyq memlekettik organdarmen aldyn ala kelisýdi usynamyz», - dedi Beibit Atamqulov.
