Memleket basshysy Qasym-Jomart Toqaev ákimderdi taǵaiyndaýdyń jańa qaǵidalaryn bekitti, - dep habarlaidy "Ult aqparat" Aqordanyń resmi saityna silteme jasap.
Qaýly "Oblys aýmaǵynda ornalasqan máslihattar nemese respýblikalyq mańyzy bar qalalar jáne astana máslihattary depýtattarynyń oblys, respýblikalyq mańyzy bar qala jáne astana ákimin laýazymǵa taǵaiyndaýǵa kelisim berý qaǵidalaryn bekitý týraly".
"Qazaqstan Respýblikasy Konstitýtsiiasynyń 87-babyna sáikes Qaýly etemin:
1. Qosa berilip otyrǵan Oblys aýmaǵynda ornalasqan máslihattar nemese respýblikalyq mańyzy bar qalalar jáne astana máslihattary depýtattarynyń oblys, respýblikalyq mańyzy bar qala jáne astana ákimin laýazymǵa taǵaiyndaýǵa kelisim berýi qaǵidalary bekitilsin", - delingen habarlamada.
Qujat jariialanǵan kúninen bastap kúshine enedi. Tómende bekitilgen qaǵidalardyń tolyq mátini berilgen.
1-taraý. Jalpy erejeler
1. Osy Oblys aýmaǵynda ornalasqan máslihattar nemese respýblikalyq mańyzy bar qalalar jáne astana máslihattary depýtattarynyń oblys, respýblikalyq mańyzy bar qala jáne astana ákimin laýazymǵa taǵaiyndaýǵa kelisim berýi qaǵidalary Qazaqstan Respýblikasy Konstitýtsiiasynyń 87-babyn iske asyrý úshin ázirlendi jáne oblys aýmaǵynda ornalasqan máslihattar nemese respýblikalyq mańyzy bar qalalar jáne astana máslihattary depýtattarynyń oblys, respýblikalyq mańyzy bar qala jáne astana ákimine kandidatty laýazymǵa taǵaiyndaýǵa kelisim berý tártibin aiqyndaidy.
2. Oblys, respýblikalyq mańyzy bar qala jáne astana ákimin laýazymyna taǵaiyndaýǵa kelisim oblys aýmaǵynda ornalasqan máslihattar nemese respýblikalyq mańyzy bar qalalar jáne astana máslihattary depýtattarynyń jinalysynda beriledi.
3. Qazaqstan Respýblikasynyń Prezidenti usyný negizinde oblys, respýblikalyq mańyzy bar qala jáne astana ákimi laýazymyna keminde eki kandidat usynady.
4. Qazaqstan Respýblikasy Prezidentiniń usynýynda ákim laýazymyna kandidattardyń ómirbaian derekteri, eńbek qyzmeti, memlekettik nagradalary týraly aqparat jáne ózge de aqparat qamtylady.
2-taraý. Oblys aýmaǵynda ornalasqan máslihattar depýtattarynyń nemese respýblikalyq mańyzy bar qala jáne astana máslihaty depýtattarynyń jinalysyn ótkizý tártibi
5. Qazaqstan Respýblikasy Prezidenti Ákimshiliginiń Basshysy Qazaqstan Respýblikasy Prezidentiniń tapsyrmasy negizinde oblys, respýblikalyq mańyzy bar qala jáne astana máslihatynyń hatshysyna oblys, respýblikalyq mańyzy bar qala jáne astana ákimin taǵaiyndaýǵa kelisim berý úshin oblys aýmaǵynda ornalasqan máslihattar nemese respýblikalyq mańyzy bar qalalar jáne astana máslihattary depýtattarynyń jinalysyn (budan ári – jinalys) ótkizý qajettigi týraly habarlama jiberedi.
6. Jinalys osy Qaǵidalardyń 5-tarmaǵynda kórsetilgen habarlama alynǵan kúnnen bastap kúntizbelik úsh kúnnen keshiktirilmei ótkiziledi.
Oblys, respýblikalyq mańyzy bar qala jáne astana máslihatynyń hatshysy osy Qaǵidalardyń 5-tarmaǵynda kórsetilgen habarlamany alǵan kúnnen bastap bir kún merzimde tiisti aýmaqtyń depýtattaryn jinalystyń shaqyrylý kúni men ýaqyty jáne ótkiziletin orny týraly kórsetilgen aqparatty tiisti máslihattyń (máslihattardyń) resmi internet-resýrsynda ornalastyrý arqyly habardar etedi.
7. Jinalystyń kún tártibine:
1) oblys, respýblikalyq mańyzy bar qala jáne astana máslihaty hatshysynyń qysqasha kirispe sózi;
2) sanaq komissiiasynyń múshelerin, sondai-aq komissiianyń tóraǵasy men hatshysyn sailaý;
3) daýys berý tásilin tańdaý (ashyq nemese jasyryn);
4) Qazaqstan Respýblikasy Prezidenti Ákimshiligi Basshysynyń, ne Qazaqstan Respýblikasy Premer-Ministriniń, ne Qazaqstan Respýblikasynyń Prezidenti ýákilettik bergen ózge de laýazymdy adamnyń Qazaqstan Respýblikasy Prezidentiniń usynýyn jariia etýi jáne oblys, respýblikalyq mańyzy bar qala jáne astana ákiminiń laýazymyna kandidatýralardy usyný;
5) tiisti aýmaq ákimine kandidattardyń ózderiniń aldaǵy qyzmetiniń baǵdarlamasy týraly tezisterin baiandaýy kiredi.
8. Jinalysta depýtattar kandidattarǵa suraqtar qoiýy múmkin. Depýtattar usynylǵan kandidatýralardy "jaqtap" nemese "qarsy" pikirler aitýǵa quqyly.
9. Oblys aýmaǵynda ornalasqan máslihattar depýtattarynyń jinalysyna oblys jáne tiisti oblystyń aýdandary (oblystyq mańyzy bar qalalar) máslihattarynyń depýtattary qatysady, onda oblys máslihatynyń hatshysy tóraǵalyq etedi.
Respýblikalyq mańyzy bar qala jáne astana máslihaty depýtattarynyń jinalysyna tiisti máslihattardyń depýtattary qatysady, onda tiisti máslihat hatshysy tóraǵalyq etedi.
Eger jinalysqa oblys aýmaǵynda ornalasqan máslihattar nemese respýblikalyq mańyzy bar qala jáne astana máslihaty depýtattarynyń jalpy sanynyń keminde úshten ekisi qatyssa, onyń quqyqtyq kúshi bolady. Árbir jinalystyń aldynda qatysatyn depýtattardy tirkeý júrgiziledi, onyń nátijelerin máslihat hatshysy otyrystar bastalar aldynda jariialaidy.
10. Jinalysty oblys, respýblikalyq mańyzy bar qala jáne astana máslihatynyń apparaty uiymdastyrady jáne tehnikalyq múmkindikter eskerile otyryp, internet-resýrstarda onlain-transliatsiia uiymdastyrylyp, ótkiziledi.
3-taraý. Daýys berýdiń uiymdastyrylýy men tártibi
11. Kandidattardyń baiandamasy men jaryssózder (ótkizilgen jaǵdaida) aiaqtalǵannan keiin daýys berý ótkiziledi.
Kandidattar úshin daýys berý protsesin uiymdastyrý jáne onyń qorytyndylaryn shyǵarý úshin qatysyp otyrǵan depýtattar qatarynan taq sannan, keminde 3 adamnan turatyn sanaq komissiiasy qurylady.
Sanaq komissiiasynyń músheleri óz quramynyń kópshilik daýsymen sanaq komissiiasynyń tóraǵasy men hatshysyn ashyq daýys berý arqyly sailaidy.
Oblys, respýblikalyq mańyzy bar qala jáne astana ákimi laýazymyna kandidatty kelisý úshin qatysyp otyrǵan depýtattardyń jalpy sanynyń kópshiliginiń sheshimi boiynsha ashyq ne jasyryn daýys berý ótkiziledi.
Ashyq ne jasyryn daýys berýdi ótkizý tártibin sanaq komissiiasy belgileidi jáne ony sanaq komissiiasynyń tóraǵasy habarlaidy.
12. Jinalys óz quzyretindegi máseleler boiynsha kópshilik daýyspen sheshim qabyldaidy.
13. Daýys berý:
1) daýystardy sanaýdyń elektrondyq júiesi bolǵan kezde, ol paidalanyla otyryp;
2) qol kóterý arqyly;
3) biýlletender paidalanyla otyryp júzege asyrylady.
Daýys berýdi ótkizý úshin depýtattardyń qajetti sany bolmaǵan kezde, oblys, respýblikalyq mańyzy bar qala jáne astana máslihatynyń hatshysy kvorýmdy qamtamasyz etý boiynsha sharalar qabyldaidy.
Daýys berý rásiminde tek "jaqtap" jáne "qarsy" daýys berýge bolady.
Barlyq máseleler boiynsha daýys berý nátijelerin oblys, respýblikalyq mańyzy bar qala jáne astana máslihatynyń hatshysy daýys berýge qatysqandardyń, "jaqtap", "qarsy" daýys bergenderdiń sanyn jáne daýys berý qorytyndysyn kórsete otyryp, jariialaidy. Derekter depýtattar jinalysynyń hattamasyna engiziledi.
14. Ashyq daýys berý qol kóterý arqyly ne daýystardy sanaýdyń elektrondyq júiesi bolǵan kezde, ol paidalanyla otyryp, júzege asyrylady.
15. Jasyryn daýys berý ótkizý kezinde, biýlletender tikelei daýys berý bastalar aldynda beriledi. Biýlletender sanaq komissiiasy belgilegen nysanda onyń baqylaýymen, sany otyrysqa qatysyp otyrǵan depýtattardyń sanyna teń bolyp daiyndalady jáne olarǵa sanaq komissiiasynyń tóraǵasy men hatshysy qol qoiady.
Máslihat hatshysy biýlletenderdi daiyndaý úshin jinalysta úzilis jariialaýy múmkin.
Árbir depýtatqa sanaq komissiiasynyń tóraǵasy men hatshysy qol qoiǵan bir biýlleten beriledi. Depýtattarǵa jasyryn daýys berýge arnalǵan biýlletender olar depýtat kýáligin nemese jeke kýáligin kórsetken kezde beriledi.
Jasyryn daýys berý úshin qupiialylyqty saqtaý boiynsha talaptar ustana otyryp, arnaiy bólingen orynǵa oblys, respýblikalyq mańyzy bar qala jáne astana máslihatynyń móri basylǵan jáshik ornatylady.
Máslihat depýtaty ózi daýys beretin kandidattyń teginiń oń jaǵyndaǵy bos sharshyǵa kez kelgen belgi qoiady.
Belgilenbegen nysandaǵy biýlletender sanaý kezinde esepke alynbaidy.
Sanaq komissiiasy daýys berýge arnalǵan jáshikti daýys berý aiaqtalǵannan keiin ashýǵa tiis. Jáshikti daýys berý aiaqtalǵanǵa deiin ashýǵa tyiym salynady.
16. Sanaq komissiiasy daýys berý nátijeleri boiynsha hattama jasaidy, oǵan sanaq komissiiasynyń barlyq músheleri qol qoiady jáne ol oblys, respýblikalyq mańyzy bar qala jáne astana máslihatynyń hatshysyna beriledi.
Daýys berý kezinde bolmaǵan máslihat depýtatynyń keiinirek daýys berýge quqyǵy joq.
17. Daýys berýge qatysqan depýtattardyń daýys sanynyń kópshiligin alǵan kandidat kelisim alǵan bolyp esepteledi.
Eger kandidattar birdei daýys sanyn jinaǵan bolsa, sanaq komissiiasy atalǵan kandidattar arasynda qaita daýys berýdi ótkizý týraly sheshim qabyldaidy.
Qaita daýys berý osy Qaǵidalarda kózdelgen tártippen oblys, respýblikalyq mańyzy bar qala jáne astana máslihatynyń hatshysy aiqyndaǵan merzimderde ótkiziledi.
18. Jinalys oblys, respýblikalyq mańyzy bar qala jáne astana máslihatynyń hatshysy daýys berý nátijelerin jariialaǵannan keiin jabylady. Oblys, respýblikalyq mańyzy bar qala jáne astana máslihatynyń hatshysy jáne sanaq komissiiasynyń tóraǵasy qol qoiǵan jinalystyń hattamasy jinalystyń ótkizilýin kýálandyratyn qujat bolyp tabylady, ol bir kún ishinde Qazaqstan Respýblikasy Prezidentiniń Ákimshiligine jiberiledi.
