Mańǵystaý oblysynda jeke sot oryndaýshysyna qyzmettik ókilettigin teris paidalandy degen kúdikpen qylmystyq is qozǵaldy, dep habarlaidy ult.kz.
Bblystyq prokýratýranyń baspasóz qyzmetiniń málimetinshe, prokýratýra qazirgi ýaqytta jeke sot oryndaýshylarynyń óndirisindegi atqarýshylyq qujattardyń oryndalý zańdylyǵyna tekserý júrgizip jatyr.
Tekserý barysynda jekelegen sot oryndaýshylardyń boryshkerlerden óndirip alynǵan qarajatty óndirip alýshylarǵa aýdarýǵa arnalǵan arnaiy esepshottan úshinshi tulǵalardyń, onyń ishinde ózderiniń jaqyn týystarynyń shottaryna 3 million teńgeden astam qarjyny negizsiz aýdarǵany anyqtalǵan.
Osy fakti boiynsha jeke sot oryndaýshysyna qatysty Qylmystyq kodekstiń 251-babynyń 1-bóligimen qylmystyq is qozǵalyp, sotqa deiingi tergep-tekserý bastaldy.
Prokýratýra málimetinshe, jeke sot oryndaýshylarynyń óndirisindegi atqarýshylyq qujattardyń ýaqytyly ári zań talaptaryna sai oryndalýyna qatysty tekserý jalǵasyp jatyr.
Eske salaiyq, buǵan deiin Tarazda jeke sot oryndaýshysy 1,1 million teńgeni jymqyrǵany úshin sottalǵan bolatyn.
