ماڭعىستاۋ وبلىسىندا جەكە سوت ورىنداۋشىسىنا قىزمەتتٸك ٶكٸلەتتٸگٸن تەرٸس پايدالاندى دەگەن كٷدٸكپەن قىلمىستىق ٸس قوزعالدى, دەپ حابارلايدى ult.kz.
ببلىستىق پروكۋراتۋرانىڭ باسپاسٶز قىزمەتٸنٸڭ مەلٸمەتٸنشە, پروكۋراتۋرا قازٸرگٸ ۋاقىتتا جەكە سوت ورىنداۋشىلارىنىڭ ٶندٸرٸسٸندەگٸ اتقارۋشىلىق قۇجاتتاردىڭ ورىندالۋ زاڭدىلىعىنا تەكسەرۋ جٷرگٸزٸپ جاتىر.
تەكسەرۋ بارىسىندا جەكەلەگەن سوت ورىنداۋشىلاردىڭ بورىشكەرلەردەن ٶندٸرٸپ الىنعان قاراجاتتى ٶندٸرٸپ الۋشىلارعا اۋدارۋعا ارنالعان ارنايى ەسەپشوتتان ٷشٸنشٸ تۇلعالاردىڭ, ونىڭ ٸشٸندە ٶزدەرٸنٸڭ جاقىن تۋىستارىنىڭ شوتتارىنا 3 ميلليون تەڭگەدەن استام قارجىنى نەگٸزسٸز اۋدارعانى انىقتالعان.
وسى فاكتٸ بويىنشا جەكە سوت ورىنداۋشىسىنا قاتىستى قىلمىستىق كودەكستٸڭ 251-بابىنىڭ 1-بٶلٸگٸمەن قىلمىستىق ٸس قوزعالىپ, سوتقا دەيٸنگٸ تەرگەپ-تەكسەرۋ باستالدى.
پروكۋراتۋرا مەلٸمەتٸنشە, جەكە سوت ورىنداۋشىلارىنىڭ ٶندٸرٸسٸندەگٸ اتقارۋشىلىق قۇجاتتاردىڭ ۋاقىتىلى ەرٸ زاڭ تالاپتارىنا ساي ورىندالۋىنا قاتىستى تەكسەرۋ جالعاسىپ جاتىر.
ەسكە سالايىق, بۇعان دەيٸن تارازدا جەكە سوت ورىنداۋشىسى 1,1 ميلليون تەڭگەنٸ جىمقىرعانى ٷشٸن سوتتالعان بولاتىن.
