Prezident tapsyrmasyn — «Ult jospary – bes institýtsionaldyq reformany júzege asyrýdyń 100 qadamnyń» 56,2 qadamyn oryndaý aiasynda «Kazakh Invest» UK otandyq óndirýshilerdiń taýarlaryn reseilik iri óńirlik saýda jelilerinde ótkizý boiynsha jobany qolǵa aldy, dep habarlaidy "Ult aqparat".
Resei dúkenderiniń sórelerine on qazaqstandyq ónim óndirýshiniń taýarlary ornalastyryldy. Kazakh Invest alǵash ret bul jobany 2016 jyly iske qosty. Ol kezde qazaqstandyq jetekshi kompaniialar Reseidiń «Mariia–Ra» jáne «Kirovskii» óńirlik saýda jelilerine 42 taýar túrin usynǵan bolatyn. «Reseidegi qazaqstandyq taýarlar aptalyǵy» naýqany bir ýaqytta Novosibir, Ekaterinbýrg, Barnaýl, Kemer, Tomsk jáne Novokýznetskte ótip, otandyq óndirýshilerdiń taýarlaryn 900-dei saýda ornynda tanystyrýǵa jol ashty.
Byltyr Qytai, Iran jáne Resei syndy maqsatty iri naryqtarǵa baǵyttalǵan 3 shatyrly brend quryldy. Olar: «Qazaq Organic Food», «KazMeat», «Halal Kazakhstan».
Biyl otandyq taýarlardy Resei naryǵynda satý múmkindigine ie bolý úshin Kazakh Invest Tomskte «LAMA» kompaniialar tobynyń saýda jelilerin: INTERSPAR, SPAR, «FýdCity», «Abrikos», sondai-aq, Arhangelskte, Severodvinskte jáne Novodvinskte: «Petrovskii» jáne «Petromost» sekildi saýda jelilerin iske qosty. Osylaisha, belgili qazaqstandyq brendter Reseidiń myńnan astam dúkenderine usynyldy.
«Iri kólemdi «Reseidegi Qazaqstan taýarlarynyń aptalyǵy» naýqany ekinshi jyl qatarynan memlekettiń qoldaýymen ótip otyr. Biz kóbinese aimaqtyq jáne federaldyq telearnalarda jarnamalar uiymdastyryp, qalalarda, saýda ortalyqtarynyń ishinde bilbordtar, promo-palletter, plakattar ilip, aýdiorolikter qosamyz, qazaqstandyq ónimderdiń dámin tatýǵa arnalǵan kóptegen aktsiialar uiymdastyramyz. Eń bastysy, osy jobanyń arqasynda reseilik tutynýshylar qazaqstandyq taýarlardyń sapasyn baǵalap úlgerdi. Aktsiia ótkizilgennen keiin saýda jelilerimen jetkizý kelisimsharttarynyń merzimi uzartylyp, qazaqstandyq taýar Resei naryǵyn sátti jaýlaýda», — dedi «Kazakh Invest» UK basqarýshy direktory Jálel Bolatov.
Joba aiasynda Reseidiń saýda jelilerine 70-ke jýyq taýar túri usynyldy. Olardyń qatarynda, shyryndar, shyryndy sýsyndar, limonadtar, un, makaron ónimderi, shai, kámpitter men shokoladtar, maionezder, ketchýptar, sondai-aq áiel tazalyǵyna arnalǵan zattar bar.
«Qazaqstandyq taýarlardy RF-tiń saýda jelilerine qosý baǵdarlamasy reseilik seriktestermen bailanys ornatýǵa múmkindik berdi, biz reseilik saýda jelilerine óz ónimderimizdi jetkizý boiynsha kelisimshartqa alǵash ret qol qoidyq. Bul kórshi eldiń naryǵyna shyǵyp, qazaqstandyq taýardyń eksporttalýyn ulǵaitýdyń biregei múmkindigi. Ázirge biz shaǵyn toptamamen jetkizip jatyrmyz, degenmen, eksport kólemin qazirgisinen úsh esege ulǵaitamyz degen jospar bar. Bundai jobalar óte tiimdi ári bizneste suranysqa ie», — dep pikirimen bólisti «Jańa Áljan diirmen kombinaty» JShS bas direktory Qanat Tapaev.
Óz kezeginde Jálel Bolatov jobany iske asyrý qazaqstandyq taýarlardyń shetelde tanymaldyǵyn arttyryp qana qoimai, aimaqtyq brendterdiń de damýyna yqpal etetinine senim bildirdi.
«Pilottyq jobany iske asyrý otandyq taýar óndirýshilerdiń básekege qabiletti ekenin dáleldedi, olar Reseide óz tutynýshylaryn taýyp ta úlgerdi. «Reseidegi Qazaqstan taýarlarynyń aptalyǵy» naýqanyn ótkizý «Qazaqstanda jasalǵan» brendimen maqsatty naryqtarda jekelegen brendterdiń tanymaldyǵyn odan saiyn arttyryp, otandyq ónim óndirýshilerdiń básekeles taýarlary men qyzmetteriniń kólemin ulǵaitatynyna senimdimin», — dep sózin túiindedi Kazakh Invest basqarýshy direktory.
.jpeg)