پرەزيدەنت تاپسىرماسىن — «ۇلت جوسپارى – بەس ينستيتۋتسيونالدىق رەفورمانى جٷزەگە اسىرۋدىڭ 100 قادامنىڭ» 56,2 قادامىن ورىنداۋ اياسىندا «Kazakh Invest» ۇك وتاندىق ٶندٸرۋشٸلەردٸڭ تاۋارلارىن رەسەيلٸك ٸرٸ ٶڭٸرلٸك ساۋدا جەلٸلەرٸندە ٶتكٸزۋ بويىنشا جوبانى قولعا الدى, دەپ حابارلايدى "ۇلت اقپارات".
رەسەي دٷكەندەرٸنٸڭ سٶرەلەرٸنە ون قازاقستاندىق ٶنٸم ٶندٸرۋشٸنٸڭ تاۋارلارى ورنالاستىرىلدى. Kazakh Invest العاش رەت بۇل جوبانى 2016 جىلى ٸسكە قوستى. ول كەزدە قازاقستاندىق جەتەكشٸ كومپانييالار رەسەيدٸڭ «مارييا–را» جەنە «كيروۆسكيي» ٶڭٸرلٸك ساۋدا جەلٸلەرٸنە 42 تاۋار تٷرٸن ۇسىنعان بولاتىن. «رەسەيدەگٸ قازاقستاندىق تاۋارلار اپتالىعى» ناۋقانى بٸر ۋاقىتتا نوۆوسٸبٸر, ەكاتەرينبۋرگ, بارناۋل, كەمەر, تومسك جەنە نوۆوكۋزنەتسكتە ٶتٸپ, وتاندىق ٶندٸرۋشٸلەردٸڭ تاۋارلارىن 900-دەي ساۋدا ورنىندا تانىستىرۋعا جول اشتى.
بىلتىر قىتاي, يران جەنە رەسەي سىندى ماقساتتى ٸرٸ نارىقتارعا باعىتتالعان 3 شاتىرلى برەند قۇرىلدى. ولار: «Qazaq Organic Food», «KazMeat», «Halal Kazakhstan».
بيىل وتاندىق تاۋارلاردى رەسەي نارىعىندا ساتۋ مٷمكٸندٸگٸنە يە بولۋ ٷشٸن Kazakh Invest تومسكتە «لاما» كومپانييالار توبىنىڭ ساۋدا جەلٸلەرٸن: INTERSPAR, SPAR, «فۋدCity», «ابريكوس», سونداي-اق, ارحانگەلسكتە, سەۆەرودۆينسكتە جەنە نوۆودۆينسكتە: «پەتروۆسكيي» جەنە «پەتروموست» سەكٸلدٸ ساۋدا جەلٸلەرٸن ٸسكە قوستى. وسىلايشا, بەلگٸلٸ قازاقستاندىق برەندتەر رەسەيدٸڭ مىڭنان استام دٷكەندەرٸنە ۇسىنىلدى.
«ٸرٸ كٶلەمدٸ «رەسەيدەگٸ قازاقستان تاۋارلارىنىڭ اپتالىعى» ناۋقانى ەكٸنشٸ جىل قاتارىنان مەملەكەتتٸڭ قولداۋىمەن ٶتٸپ وتىر. بٸز كٶبٸنەسە ايماقتىق جەنە فەدەرالدىق تەلەارنالاردا جارنامالار ۇيىمداستىرىپ, قالالاردا, ساۋدا ورتالىقتارىنىڭ ٸشٸندە بيلبوردتار, پرومو-پاللەتتەر, پلاكاتتار ٸلٸپ, اۋديوروليكتەر قوسامىز, قازاقستاندىق ٶنٸمدەردٸڭ دەمٸن تاتۋعا ارنالعان كٶپتەگەن اكتسييالار ۇيىمداستىرامىز. ەڭ باستىسى, وسى جوبانىڭ ارقاسىندا رەسەيلٸك تۇتىنۋشىلار قازاقستاندىق تاۋارلاردىڭ ساپاسىن باعالاپ ٷلگەردٸ. اكتسييا ٶتكٸزٸلگەننەن كەيٸن ساۋدا جەلٸلەرٸمەن جەتكٸزۋ كەلٸسٸمشارتتارىنىڭ مەرزٸمٸ ۇزارتىلىپ, قازاقستاندىق تاۋار رەسەي نارىعىن سەتتٸ جاۋلاۋدا», — دەدٸ «Kazakh Invest» ۇك باسقارۋشى ديرەكتورى جەلەل بولاتوۆ.
جوبا اياسىندا رەسەيدٸڭ ساۋدا جەلٸلەرٸنە 70-كە جۋىق تاۋار تٷرٸ ۇسىنىلدى. ولاردىڭ قاتارىندا, شىرىندار, شىرىندى سۋسىندار, ليمونادتار, ۇن, ماكارون ٶنٸمدەرٸ, شاي, كەمپيتتەر مەن شوكولادتار, مايونەزدەر, كەتچۋپتار, سونداي-اق ەيەل تازالىعىنا ارنالعان زاتتار بار.
«قازاقستاندىق تاۋارلاردى رف-تٸڭ ساۋدا جەلٸلەرٸنە قوسۋ باعدارلاماسى رەسەيلٸك سەرٸكتەستەرمەن بايلانىس ورناتۋعا مٷمكٸندٸك بەردٸ, بٸز رەسەيلٸك ساۋدا جەلٸلەرٸنە ٶز ٶنٸمدەرٸمٸزدٸ جەتكٸزۋ بويىنشا كەلٸسٸمشارتقا العاش رەت قول قويدىق. بۇل كٶرشٸ ەلدٸڭ نارىعىنا شىعىپ, قازاقستاندىق تاۋاردىڭ ەكسپورتتالۋىن ۇلعايتۋدىڭ بٸرەگەي مٷمكٸندٸگٸ. ەزٸرگە بٸز شاعىن توپتامامەن جەتكٸزٸپ جاتىرمىز, دەگەنمەن, ەكسپورت كٶلەمٸن قازٸرگٸسٸنەن ٷش ەسەگە ۇلعايتامىز دەگەن جوسپار بار. بۇنداي جوبالار ٶتە تيٸمدٸ ەرٸ بيزنەستە سۇرانىسقا يە», — دەپ پٸكٸرٸمەن بٶلٸستٸ «جاڭا ەلجان ديٸرمەن كومبيناتى» جشس باس ديرەكتورى قانات تاپاەۆ.
ٶز كەزەگٸندە جەلەل بولاتوۆ جوبانى ٸسكە اسىرۋ قازاقستاندىق تاۋارلاردىڭ شەتەلدە تانىمالدىعىن ارتتىرىپ قانا قويماي, ايماقتىق برەندتەردٸڭ دە دامۋىنا ىقپال ەتەتٸنٸنە سەنٸم بٸلدٸردٸ.
«پيلوتتىق جوبانى ٸسكە اسىرۋ وتاندىق تاۋار ٶندٸرۋشٸلەردٸڭ بەسەكەگە قابٸلەتتٸ ەكەنٸن دەلەلدەدٸ, ولار رەسەيدە ٶز تۇتىنۋشىلارىن تاۋىپ تا ٷلگەردٸ. «رەسەيدەگٸ قازاقستان تاۋارلارىنىڭ اپتالىعى» ناۋقانىن ٶتكٸزۋ «قازاقستاندا جاسالعان» برەندٸمەن ماقساتتى نارىقتاردا جەكەلەگەن برەندتەردٸڭ تانىمالدىعىن ودان سايىن ارتتىرىپ, وتاندىق ٶنٸم ٶندٸرۋشٸلەردٸڭ بەسەكەلەس تاۋارلارى مەن قىزمەتتەرٸنٸڭ كٶلەمٸن ۇلعايتاتىنىنا سەنٸمدٸمٸن», — دەپ سٶزٸن تٷيٸندەدٸ Kazakh Invest باسقارۋشى ديرەكتورى.
.jpeg)