Ómir – kúres. Oǵan daý joq. Tirshilik tartysqa toly. Ásirese, búgingi kúni...
Mynaý – Astana irgesindegi Qosshy aýyly turǵyndarynyń «Ómir joly». Naǵyz qyl kópir. Kún saiyn qalt-qult etip, shyqpa janym shyqpa dep, bir Qudaiǵa syiynyp úige zorǵa jetesiń.
Eki kólik qatar kelse tóbe shashyń tik turady. Eki adam betpe-bet kelse, birine-biri jol berip, biri amalsyz úiindi qardyń ústine shyǵady. Shyǵa alsa... Sondyqtan qosshylyqtar qarsy kele jatqan adamdy ittiń etinen jek kóredi.
Qys túskeli kórgen kúnimiz – osy. Jaýǵan qardy jol jiegine taý-tóbe ǵyp úiip tastaǵan. Tazalaǵan túri. Jolaýshylarǵa arnalǵan jalǵyzaiaq jol «tóbe» astynda qaldy.
Keide eriksiz bul eldiń egesi joq pa dep oilaisyń? Ne oǵan adamnan kólik qymbat. Jol qyzmetkerleri qaida? Jol qaýipsizdigin kim baqylaidy? Salyqty ne úshin tóleimiz?..
Súrinip-jyǵylyp, qaǵylyp-soǵylyp qulap jatqan janda esep joq. Qalaǵa qatynaityn bas kóshemizdiń syiqy – osy, basqasyn tipti aitpai-aq qoiaiyn!.. Álde mindetti túrde jol apatyna ushyrap, kisi ólimi bolmai eshkim qozǵalmai ma?! Tiisti oryndar qaida qarap otyr?..
Bir top «Qosshy» aýyly turǵandary atynan –
Qazaqstan Jazýshylar jáne Jýrnalister Odaǵynyń múshesi
Turmaǵanbet Kenjebaev.
