Aktrisa Dariǵa Badyqova men akter Oljas Abai shańyraq kóterdi. Óner iesi áleýmettik jelidegi paraqshasynda jazba jariialap, jurtty ózgeniń baqytyna tórelik aitpai, aq tilek bildirýge shaqyrdy, dep habarlaidy ult.kz.
Dariǵa Badyqova ár adamnyń óz taǵdyry men baqyty bar ekenin atap ótti.
"Qudaidyń buiryǵyna eshkim qarsy shyǵa almaidy. Taǵdyrdyń jazǵanyn eshkim ózgerte almaidy. Qalai desek te, kim ne oilasa da, ár adamnyń óz taǵdyry, óz baqyty bar. Bireýdiń baqytyna tórelik aitý bizge buiyrmaǵan", – dep jazdy aktrisa.
Ol jeke ómirine qatysty eshkimge eshteńe dáleldeýge mindetti emes ekenin de jetkizdi.
"Biz eshkimnen eshteńe suramaimyz. Eshkimge eshteńe dáleldeýge de mindetti emespiz. Tek baqyt tileńizder! Óitkeni aq nietpen aitylǵan bir aýyz tilek myń túrli pikirden qymbat", – dedi Dariǵa Badyqova.
Aita keteiik, Dariǵa Badyqovanyń eks-kúieýi ánshilikke qatysty oiyn aitty.
Dariǵa Badyqova kim?
Dariǵa Badyqova – qazaqstandyq aktrisa ári kinoprodiýser. Kópshilikke “Kelinjan” telehikaiasyndaǵy Aisara róli arqyly tanyldy. Osy keiipker aktrisanyń tanymaldyǵyn arttyryp, kórermen yqylasyna bólenýine jol ashty.
Óner iesi keiin ózin prodiýser retinde de tanytty. Onyń alǵashqy prodiýserlik týyndysy – “Taptym-aý seni” romantikalyq komediiasy. Filmde Dariǵa Badyqova Sáýle esimdi keiipkerdi somdap, akter Oljas Abaimen birge basty rólde oinady.
Aktrisa án oryndaýmen de kópshilik nazaryna ilikti. Ol Oljas Abaimen birge “Taptym-aý seni” filminiń saýndtregi bolǵan “Sezim úshin” ánin oryndady. Osylaisha, Dariǵa Badyqova akterlik ónermen qatar, kino óndirisi men mýzykalyq jobalarǵa da qatysyp keledi.
