Shymkentte 10 qazanda ótken Qairat Nurtastyń kontsertine satylǵan biletter sany kontsert alańynyń ruqsat etilgen syiymdylyǵynan edáýir asyp ketken, dep habarlaidy ult.kz.

Politsiianyń aldyn ala málimetinshe, biletterdiń shamadan tys kóp satylýy saldarynan adamdar kóp jinalyp, kórermenderdiń qaýipsizdigine qater tóngen.

“Adamdardyń qysylyp qalýy saldarynan 18 jastaǵy qyz zardap shegip, aýrýhanaǵa jetkizildi. Kontsert uiymdastyrýshysy, 1984 jyly týǵan L. esimdi azamat ustalyp, ýaqytsha ustaý izoliatoryna qamaldy”, – delingen politsiia habarlamasynda.

Sonymen qatar tártip saqshylary áleýmettik jelilerde taraǵan adamdardyń qaza tapqany týraly aqparatty joqqa shyǵardy. Resmi málimetke sáikes, oqiǵa saldarynan kóz jumǵandar joq.

Qazirgi ýaqytta atalǵan jaǵdaiǵa bailanysty tergeý júrgizilip jatyr. Is Shymkent qalalyq Politsiia departamenti basshylyǵynyń baqylaýynda.

Kontsertte ne boldy?

Qairat Nurtastyń kontserti Qajymuqan Muńaitpasov atyndaǵy stadionda ótken. Kontsertke kireberiste adamdar shamadan tys jinalyp, kórermender bir-birin qysyp qalǵan. Oqiǵa ornynan túsirilgen videolar áleýmettik jelilerde tarady. 

Shymkent qalasynyń Densaýlyq saqtaý basqarmasynyń málimetinshe, kontsert kezinde segiz adam meditsinalyq kómekke júgingen. Olardyń jeteýi tekserýden keiin úilerine jiberilgen. Al 18 jastaǵy qyz aýrýhanaǵa jatqyzylyp, oǵan qajetti meditsinalyq kómek kórsetilgen. 

Oqiǵaǵa bailanysty qaýipsizdik talaptaryna sai kelmeitin qyzmet kórsetý deregi boiynsha qylmystyq is qozǵaldy. Kontsertti uiymdastyrýshy, 1984 jyly týǵan L. esimdi azamat ustalyp, ýaqytsha ustaý izoliatoryna qamaldy.

Sonymen qatar politsiia áleýmettik jelilerde taraǵan adamdardyń qaza tapqany týraly aqparatty joqqa shyǵardy. Resmi málimetke sáikes, oqiǵa saldarynan kóz jumǵandar joq.

Qazir tergeý júrgizilip jatyr. 

Qairat Nurtas kim?

Qairat Nurtas – qazaqstandyq estrada ánshisi ári akter. Tolyq aty-jóni – Qairat Nurtasuly Aidarbekov. Ol 1989 jyly 25 aqpanda Túrkistan qalasynda dúniege kelgen. Sahnaǵa bala kezinen shyǵyp, keiin qazaq tilindegi ánderimen keńinen tanyldy.

Ánshiniń repertýarynda mahabbat, otbasy jáne týǵan jer taqyrybyndaǵy týyndylar bar. Mýzykalyq shyǵarmashylyǵymen qatar kinoǵa da túsken. 2013 jyly “Ókinish” filmi arqyly óziniń ómiri men óner jolyn kórermenge tanystyrdy.