Ánshi Aqbota Kerimbekova bala kúninen qalyptasqan ómirlik ustanymy keiin taǵdyrdyń basqa jolǵa salǵanyn aitty, dep habarlaidy ult.kz.
Óner iesi «1001 tún» baǵdarlamasyna bergen suhbatynda ata-anasynyń ajyrasýy ózine qatty áser etkenin jasyrmady. Onyń aitýynsha, dál sol kezeńde bolashaqta eshqashan ajyraspaimyn degen sert bergen.
«Bala kezde eshteńeni oilamaisyń. Áke-shesheń qasyńda, bar jaǵdaiyńdy jasap beredi. Biraq ata-anamnyń ajyrasýy men úshin aýyr soqqy boldy. Sol kezde ózime “óskende turmysqa shyǵamyn, ómir boiy bir kúieýmen ómir súremin, eshqashan ajyraspaimyn” dep sóz bergen edim», – dedi ánshi.
Aqbotanyń aitýynsha, jastaiynan kópshiliktiń nazarynan qashqaqtap, kózge túskisi kelmeitin. Alaida taǵdyr ony el aldyna shyǵaryp, óner jolynda tanymal etti.
«Bala kúnimde kópshilikke aralasýdan qashatynmyn. “Meni eshkim baiqamasa eken” dep óstim. Biraq Allanyń qalaýymen bári kerisinshe boldy. Búginde halyqtyń aldynda júrmin. Jeke ómirime qatysty ustanymdarym da men oilaǵandai bolmady. Degenmen onyń da ózindik qaiyry bar dep qabyldaimyn», – dedi Aqbota Kerimbekova.
