Omikron shtamy basqalaryna qaraǵanda 5-7 ese juqpaly jáne qaita juqtyrý qaýpi joǵary. Bul týraly Nur-Sultan qalasynyń bas memlekettik sanitar dárigeri Sarhat Beisenova málim etti, dep habarlaidy QazAqparat.
«Sońǵy 2 jyl boiy biz jańa jaǵdaida ómir súrip jatyrmyz. Birneshe lokdaýnnan aman shyqtyq. Jaǵdaiymyz endi ońalady degende jańa qaýip - omikron shtamy paida boldy. Ol osy kúnge deiin anyqtalǵan shtamdarǵa qaraǵanda 5-7 ese juqpaly, iaǵni juqtyrǵan adam infektsiiany koronavirýstyń aldyńǵy nusqalaryna qaraǵanda bir-eki kúnnen keiin tartýy múmkin jáne qysqa merzimde qaita juqtyrý qaýpi joǵary», - dedi Sarhat Beisenova qala ákimdiginde onlain ótken baspasóz máslihatynda.
Onyń aitýynsha, elordada COVID-19 indetiniń tez ósýine bailanysty epidemiologiialyq jaǵdai kúrdeli.
«Sondyqtan aýrýdyń alǵashqy belgileri baiqalǵan sátte múmkindiginshe birden oqshaýlanýdy usynamyn. Sebebi, 12 jasqa deiingi balalar, vaktsinatsiialanbaǵan jáne sozylmaly aýrýy bar adamdarǵa áli de qaýip joǵary, tiisinshe siz olarǵa qater tóndiresiz», - deidi ol.
