وميكرون شتامى باسقالارىنا قاراعاندا 5-7 ەسە جۇقپالى جەنە قايتا جۇقتىرۋ قاۋپٸ جوعارى. بۇل تۋرالى نۇر-سۇلتان قالاسىنىڭ باس مەملەكەتتٸك سانيتار دەرٸگەرٸ سارحات بەيسەنوۆا مەلٸم ەتتٸ, دەپ حابارلايدى قازاقپارات.
«سوڭعى 2 جىل بويى بٸز جاڭا جاعدايدا ٶمٸر سٷرٸپ جاتىرمىز. بٸرنەشە لوكداۋننان امان شىقتىق. جاعدايىمىز ەندٸ وڭالادى دەگەندە جاڭا قاۋٸپ - وميكرون شتامى پايدا بولدى. ول وسى كٷنگە دەيٸن انىقتالعان شتامدارعا قاراعاندا 5-7 ەسە جۇقپالى, ياعني جۇقتىرعان ادام ينفەكتسييانى كوروناۆيرۋستىڭ الدىڭعى نۇسقالارىنا قاراعاندا بٸر-ەكٸ كٷننەن كەيٸن تارتۋى مٷمكٸن جەنە قىسقا مەرزٸمدە قايتا جۇقتىرۋ قاۋپٸ جوعارى», - دەدٸ سارحات بەيسەنوۆا قالا ەكٸمدٸگٸندە ونلاين ٶتكەن باسپاسٶز مەسليحاتىندا.
ونىڭ ايتۋىنشا, ەلوردادا COVID-19 ٸندەتٸنٸڭ تەز ٶسۋٸنە بايلانىستى ەپيدەميولوگييالىق جاعداي كٷردەلٸ.
«سوندىقتان اۋرۋدىڭ العاشقى بەلگٸلەرٸ بايقالعان سەتتە مٷمكٸندٸگٸنشە بٸردەن وقشاۋلانۋدى ۇسىنامىن. سەبەبٸ, 12 جاسقا دەيٸنگٸ بالالار, ۆاكتسيناتسييالانباعان جەنە سوزىلمالى اۋرۋى بار ادامدارعا ەلٸ دە قاۋٸپ جوعارى, تيٸسٸنشە سٸز ولارعا قاتەر تٶندٸرەسٸز», - دەيدٸ ول.
