Astanaǵa alǵash ret Omby oblysynyń Tarihi arhivinen Kenesary hanǵa qatysty qujattar jetkizildi, dep habarlaidy Vnews.kz.
«Bul qujattar osy kúiinde alǵash ret kórsetilip otyr, sebebi olardyń basym bóligi airyqsha qundy mártebege ie bolǵan edi. Keńestik kezeńde mundai qujattar zertteýshilerdiń qolyna tie bermeitin. Qazirgi kezde kórmede kórsetilgen tulǵalar jaiyndaǵy málimetter qazaq halqy tarihy úshin mańyzdy ekenin túsine otyryp, endi qujattardy zertteýshilerge usynyp jatyrmyz. Bizdiń arhivte Kenesary han týraly bar málimetterdiń bir bóligin skanerden ótkizdik. Qujattar az emes, sebebi onyń qolbasshylyǵymen qazaq halqynyń táýelsizdigi úshin kúres uzaq ýaqytqa jalǵasty. Biz osy derekterden eń qyzyqtylaryn iriktep aldyq», - dedi Omby oblysy Tarihi arhivindegi Azamattyq soǵysty zertteý ortalyǵynyń jetekshisi Galina Borodina.
Onyń sózine qaraǵanda, arhivte kazak otriadtarymen qaqtyǵystar týraly aqparattar saqtalýda. Belgili bolǵandai, atalǵan qujattardyń kóshirmeleri zertteýshilerge qoljetimdi bolý úshin Astana qalasynyń memlekettik muraǵatyna tapsyrylady.
Jalpy, Astanaǵa árqaisysy 10-15 paraqty qamtityn 40 qujat jetkizildi. Onda Omby jáne Aqmola oblystarynyń tarihy jaiynda qundy málimetter jinaqtalǵan. Omby oblysy arhivinde jalpy eki millionnan astam material saqtaýly.
