Parlament Májilisiniń depýtaty Omarhan Óksikbaev Qazaqstannyń Tuńǵysh Prezidenti – Elbasy Nursultan Nazarbaevtyń «Birlese bilgen el bárin jeńedi» atty maqalasyna qatysty pikirin bildirdi, dep habarlaidy QazAqparat.
«Elbasynyń maqalasyn muqiiat oqyp shyqtym. Nursultan Nazarbaev taǵy da halqymen birge ekenin kórsetip otyr. Qazirgi tańda álemdi sharlap ketken koronavirýs dertiniń qaterli ekenin, ol Qazaqstanǵa ǵana emes, búkil memleketterge qaýip tóndirip jatqany aitylyp otyr. Búgingi tańda Elbasy halyqqa biz birge bolsaq, tártipti el bolsaq, jumyla kótergen júk jeńil túsetinin jetkizdi. Eń bastysy qiynshylyqty jeńe alatyn sarabdal saiasat pen tiisti qordyń barlyǵy da umyt qaldyrylmai, memlekettiń qaýqary, qarjylyq múmkindiktiń baryn, ekonomikanyń turaqtylyǵyn kórsetti», - dedi Omarhan Óksikbaev QazAqparat tilshisine telefon arqyly aitqan pikirinde.
Májilis depýtatynyń aitýynsha indetti eńserý maqsaty – memleket pen Úkimet qolǵa alǵan sharalardan bólek halyqtyń birligin de talap etedi.
«Táýelsizdikpen birge týǵan jastardyń kúsh-qairatyn kórsetip, múmkinshiligin tanytatyn, úlkenderdiń jastarǵa aqyl aityp, parasattylyqqa shaqyryp, el birligin tanytatyn kezeńniń kelgenin kórsetti. Qiyn kezeńde elge qol ushyn sozǵan kásipkerlerimizden bastap ár salada aldyńǵy qatarda júrgen azamattarymyzdyń eńbegi erekshe atalyp ótti. Bul maqala - halqymyzdy sabyrǵa shaqyratyn, eldigimizdi saqtaýda bas qosý kerektigin basa aitqan, unjyrǵamyzdy túsirmei, eńsemizdiń kóterip, qazaqtyń basynan ótetin bul da bir kezeń ekenin eske salyp otyr dep aitar edim», - dep túidi Májilis depýtaty.
Eske sala ketsek búgin tańerteń QR Tuńǵysh Prezidenti – Elbasy Nursultan Nazarbaevtyń «Birlese bilgen el bárin jeńedi» atty qazaqstandyqtarǵa úndeýi jariialanǵan edi.
.jpeg)