Oljas Súleimenov "Baitaq bolashaq" ekoaliansynyń Aqsaqaldar keńesiniń tóraǵasy bolyp sailandy, - dep habarlaidy "Ult aqparat" kaz.tengrinews.kz portalyna silteme jasap.
Qazaqstannyń ekologiialyq problemalarymen ainalysatyn "Baitaq bolashaq" ekoaliansynyń janynan qurylǵan Aqsaqaldar keńesine elimizge tanymal ziialy qaýym ókilderi múshe bolyp qabyldandy. Ziialy qaýym ókilderinen turatyn keńeske Oljas Súleimenov tóraǵa bolyp sailandy.
Keńeske Ekoaliansqa qamqorlyq baǵyt silteitin ziialy qaýym ókilderi tartyldy. Olardyń qatarynda Oljas Súleimenov, Tóregeldi Sharmanov, Amangeldi Aitaly, Toqtar Áýbákirov, Asqar Jumadildaev, Farid Galimov, Talǵatbek Abaidildin, Murat Áýezov, Seidahmet Quttyqadam, Vladislav Kosarev, Irak Elekeev, Sabyr Qasymov, Tarasenko Elena, Hasen Qojahmet, Mels Eleýsizov, Káripbek Kúiikov, Mahambet Hakimov, Oraq Áliev, Zeinýlla Alshynbaev, Muhtar Tóleýtaev, Qoishyǵara Salǵarin jáne taǵy da basqa belgili qoǵam qairatkerleri bar.
Aqsaqaldar keńesiniń tóraǵasy bolyp Alianstyń qurmetti prezidenti Oljas Omaruly Súleimenov sailandy.
Keńestiń alǵashqy otyrysy Qorshaǵan orta men ekologiianyń jaǵdaiyn talqylaýmen birge Ekoalianstyń 2017 jylǵa baǵyttalǵan jumys josparyn maquldady.
Aita keteiik, ziialy qaýym ókilderiniń basyp qosyp, ekologiialyq problemalarǵa alańdaýshylyq bildirip otyrǵan "Baitaq bolashaq" ekoaliansy 2016 jylǵy qazan aiynda qoǵam belsendisi, belgili biznesmen, metsenat Azamathan Ámirtaevtyń bastamasysmen qurylǵan bolatyn.
.jpeg)