Qazaqstannyń halyq jazýshysy, aqyn, ádebiettanýshy, memleket jáne qoǵam qairatkerit Oljas Súleimenov Abaidyń ulylyǵy týraly aitty, dep habarlaidy QazAqparat.
«Abai – qazaq halqynyń ustazy. Óitkeni, ol óziniń zamandastaryna qaraǵanda kóp nárseni túsinip, aldaǵyny boljai bildi. Abai dúniege óz kózimen qarap, kórgeni men sezgenin jaltaqtamai aitqan. Aqynnyń shyǵarmalary búgin de ózektiligin joǵaltqan joq. Abaidyń qara sózderindegi oi-tujyrymdary barshamyzǵa qashanda rýhani azyq bola alady. Alaida, biz onyń aitqandaryn áli de tolyq oryndamai kelemiz. Búginde biz onyń «basqa halyqtarmen dos bolyp, olardy qurmeteseń, sizdiń halqyńyzǵa qurmet kórsetiledi» degen oiyn júzege asyrdyq», - deidi O.Súleimenov.
Sondai-aq ol Abaidyń eginshilikpen ainalysý ósieti týraly aityp ótti.
«Alaida, oǵan qulaq aspadyq, kóshpendilik dástúrden bas tartpadyq. Sonyń saldarynan 30-jyldary qazaq jeri halqynyń 2/3 bóligi nemese 3/4 bóliginen aiyryldy. Eger olar HH ǵasyrdyń basynan bastap eginshilikpen ainalyssa, ólimnen qutylar edi. Qanshama uly adamdar ketti. Olardyń qatarynda bolashaq ǵalymdar, uly sýretshiler bar bolatyn. Olar ustazy - Abaiǵa baǵynbady. Bolashaq urpaq osyndai qatelikterge boi aldyrmaý úshin biz búgin jinalyp otyrmyz», – dedi qoǵam qairatkeri.
Eske salaiyq, Qazaqstan Úkimetiniń qaýlysymen 10 tamyz Abai kúni bolyp belgilendi.
Búgin elimizdiń ziialy qaýym ókilderi Almaty jáne Nur-Sultan qalalaryndaǵy Abai eskertkishterine gúl shoqtaryn qoidy.
