قازاقستاننىڭ حالىق جازۋشىسى, اقىن, ەدەبيەتتانۋشى, مەملەكەت جەنە قوعام قايراتكەرٸت ولجاس سٷلەيمەنوۆ ابايدىڭ ۇلىلىعى تۋرالى ايتتى, دەپ حابارلايدى قازاقپارات.
«اباي – قازاق حالقىنىڭ ۇستازى. ٶيتكەنٸ, ول ٶزٸنٸڭ زامانداستارىنا قاراعاندا كٶپ نەرسەنٸ تٷسٸنٸپ, الداعىنى بولجاي بٸلدٸ. اباي دٷنيەگە ٶز كٶزٸمەن قاراپ, كٶرگەنٸ مەن سەزگەنٸن جالتاقتاماي ايتقان. اقىننىڭ شىعارمالارى بٷگٸن دە ٶزەكتٸلٸگٸن جوعالتقان جوق. ابايدىڭ قارا سٶزدەرٸندەگٸ وي-تۇجىرىمدارى بارشامىزعا قاشاندا رۋحاني ازىق بولا الادى. الايدا, بٸز ونىڭ ايتقاندارىن ەلٸ دە تولىق ورىنداماي كەلەمٸز. بٷگٸندە بٸز ونىڭ «باسقا حالىقتارمەن دوس بولىپ, ولاردى قۇرمەتەسەڭ, سٸزدٸڭ حالقىڭىزعا قۇرمەت كٶرسەتٸلەدٸ» دەگەن ويىن جٷزەگە اسىردىق», - دەيدٸ و.سٷلەيمەنوۆ.
سونداي-اق ول ابايدىڭ ەگٸنشٸلٸكپەن اينالىسۋ ٶسيەتٸ تۋرالى ايتىپ ٶتتٸ.
«الايدا, وعان قۇلاق اسپادىق, كٶشپەندٸلٸك دەستٷردەن باس تارتپادىق. سونىڭ سالدارىنان 30-جىلدارى قازاق جەرٸ حالقىنىڭ 2/3 بٶلٸگٸ نەمەسە 3/4 بٶلٸگٸنەن ايىرىلدى. ەگەر ولار حح عاسىردىڭ باسىنان باستاپ ەگٸنشٸلٸكپەن اينالىسسا, ٶلٸمنەن قۇتىلار ەدٸ. قانشاما ۇلى ادامدار كەتتٸ. ولاردىڭ قاتارىندا بولاشاق عالىمدار, ۇلى سۋرەتشٸلەر بار بولاتىن. ولار ۇستازى - ابايعا باعىنبادى. بولاشاق ۇرپاق وسىنداي قاتەلٸكتەرگە بوي الدىرماۋ ٷشٸن بٸز بٷگٸن جينالىپ وتىرمىز», – دەدٸ قوعام قايراتكەرٸ.
ەسكە سالايىق, قازاقستان ٷكٸمەتٸنٸڭ قاۋلىسىمەن 10 تامىز اباي كٷنٸ بولىپ بەلگٸلەندٸ.
بٷگٸن ەلٸمٸزدٸڭ زييالى قاۋىم ٶكٸلدەرٸ الماتى جەنە نۇر-سۇلتان قالالارىنداعى اباي ەسكەرتكٸشتەرٸنە گٷل شوقتارىن قويدى.
