Foto: Úkimet
Qazaqstan Respýblikasynyń Premer-ministri Oljas Bektenov «Rosatom» memlekettik korporatsiiasynyń bas direktory Aleksei Lihachiovpen kezdesý ótkizdi, dep habarlaidy Ult.kz.
Oljas Bektenovke «Rosatom» korporatsiiasynyń basshysy Almaty oblysyndaǵy alǵashqy atom elektr stansasy qurylysynyń bastalǵany týraly aqparat berdi.
Kezdesý barysynda taýarlar men qyzmetterdegi qazaqstandyq qamtý tetikteri, otandyq qural-jabdyqtar men materialdardy paidalaný, sondai-aq kadrlyq áleýetti tartý, tájiribe almasý máseleleri talqylandy. Iadrolyq-otyn tsikli protsesterin lokalizatsiialaý máseleleri kóterildi. Sondai-aq jetekshi otandyq jáne sheteldik áriptesterdi biriktiretin halyqaralyq konsortsiým qalyptastyrýdyń tájiribelik tustary qarastyryldy.
Resei tarapy atom elektr stansasy qurylysyn aiasynda kooperatsiianyń qajetti deńgeiin qamtamasyz ete otyryp, Qazaqstan jáne basqa elderdiń jetkizýshilerimen yntymaqtasýǵa daiyn ekendigin jetkizdi.
Premer-ministr Oljas Bektenov atom elektr stansasynyń qurylysy Memleket basshysynyń baqylaýynda ekenin atap ótti. Úkimet jobany júzege asyrýǵa qajetti kómek kórsetedi.
