فوتو: ٷكٸمەت
قازاقستان رەسپۋبليكاسىنىڭ پرەمەر-مينيسترٸ ولجاس بەكتەنوۆ «روساتوم» مەملەكەتتٸك كورپوراتسيياسىنىڭ باس ديرەكتورى الەكسەي ليحاچيوۆپەن كەزدەسۋ ٶتكٸزدٸ, دەپ حابارلايدى Ult.kz.
ولجاس بەكتەنوۆكە «روساتوم» كورپوراتسيياسىنىڭ باسشىسى الماتى وبلىسىنداعى العاشقى اتوم ەلەكتر ستانساسى قۇرىلىسىنىڭ باستالعانى تۋرالى اقپارات بەردٸ.
كەزدەسۋ بارىسىندا تاۋارلار مەن قىزمەتتەردەگٸ قازاقستاندىق قامتۋ تەتٸكتەرٸ, وتاندىق قۇرال-جابدىقتار مەن ماتەريالداردى پايدالانۋ, سونداي-اق كادرلىق ەلەۋەتتٸ تارتۋ, تەجٸريبە الماسۋ مەسەلەلەرٸ تالقىلاندى. يادرولىق-وتىن تسيكلٸ پروتسەستەرٸن لوكاليزاتسييالاۋ مەسەلەلەرٸ كٶتەرٸلدٸ. سونداي-اق جەتەكشٸ وتاندىق جەنە شەتەلدٸك ەرٸپتەستەردٸ بٸرٸكتٸرەتٸن حالىقارالىق كونسورتسيۋم قالىپتاستىرۋدىڭ تەجٸريبەلٸك تۇستارى قاراستىرىلدى.
رەسەي تاراپى اتوم ەلەكتر ستانساسى قۇرىلىسىن اياسىندا كووپەراتسييانىڭ قاجەتتٸ دەڭگەيٸن قامتاماسىز ەتە وتىرىپ, قازاقستان جەنە باسقا ەلدەردٸڭ جەتكٸزۋشٸلەرٸمەن ىنتىماقتاسۋعا دايىن ەكەندٸگٸن جەتكٸزدٸ.
پرەمەر-مينيستر ولجاس بەكتەنوۆ اتوم ەلەكتر ستانساسىنىڭ قۇرىلىسى مەملەكەت باسشىسىنىڭ باقىلاۋىندا ەكەنٸن اتاپ ٶتتٸ. ٷكٸمەت جوبانى جٷزەگە اسىرۋعا قاجەتتٸ كٶمەك كٶرسەتەدٸ.
