Densaýlyq saqtaý vitse-ministri Oljas Ábishev eki aiǵa qamaýǵa alyndy, dep habarlaidy "Ult aqparat".
«3 tamyz kúni Nur-Sultan qalasynyń Mamandandyrylǵan aýdanaralyq tergeý soty kúdikti Oljas Ábishevke qatysty eki ai merzimge qamaýda ustaý túrindegi bultartpaý sharasyn sanktsiialady», - delingen elorda soty baspasóz qyzmetiniń málimetinde.
Budan buryn habarlanǵandai, Qazaqstan Respýblikasy Qarjy ministrliginiń Qarjy monitoringi komiteti Densaýlyq saqtaý vitse-ministri Oljas Ábishevtiń qamaýǵa alynǵanyn rastady. Ol biýdjet qarajatyn jymqyrdy degen kúdikke ilindi.
Sonymen qatar, QR Densaýlyq saqtaý ministri Aleksei Tsoi vedomstvonyń vitse-ministri Oljas Ábishevtiń qamaýǵa alynýyna qatysty pikir bildirdi.
Aita ketsek, Oljas Ábishev 2018 jyly Densaýlyq saqtaý vitse-ministri bolyp taǵaiyndalǵan. Ol tsifrlandyrý jáne aqparattyq qaýipsizdik máselelerine jaýap berdi.
