Beijińde ótetin XXIV qysqy Olimpiada oiyndaryna qatysatyn barlyq atlet sport nysandaryna tek qana QR kod boiynsha kire alady, dep habarlaidy QazAqparat.
Bul týraly UOK sporttyq meditsina jáne antidoping departamentiniń jetekshisi Laýra Ýkbenova málim etti.
Onyń aitýynsha Beijińge ushyp kelgen olimpiadashylar qatań tekseristen ótedi. Bul jarysty qabyldaityn memlekettiń kovidke qarsy sharalary bolyp sanalady.
«Olimpiadashylarmen birge Qytaiǵa sporttyq dárigerler de attandy. Olar virýsty infektsiiaǵa qarsy emdeý sharalaryn júrgizedi. Oiynǵa qatysýshylar osyǵan deiin mindetti talaptardy saqtady. Ol mindetter ushar aldynda karantinge jatý, kún saiyn virýsqa test tapsyrý, geolokatsiiany baqylap otyratyn mobildik qosymshany qoldaný. Qatysýshylardyń bári qatań tártipti saqtady. Qytaidaǵy barlyq olimpiadalyq nysandar QR kod boiynsha kirgizetin bolady», - deidi Laýra Ýkbenova.
XXIV qysqy Olimpiada 4-20 aqpan aralyǵynda Beijińde ótedi. Oǵan Qazaqstan quramasynan barlyǵy 34 sportshy qatysady, olar 87 joldama jeńip aldy. Qazaqstandyqtar shańǵy jarysy, fristail akrobatika jáne mogýl, konkimen júgirý, short-trek, biatlon, taý shańǵysy, tuǵyrdan sekirý, shańǵy qossaiysy siiaqty 8 sport túrinen synǵa túsedi. Onda 109 medal jiyntyǵy sarapqa salynady.
