بەيجٸڭدە ٶتەتٸن XXIV قىسقى وليمپيادا ويىندارىنا قاتىساتىن بارلىق اتلەت سپورت نىساندارىنا تەك قانا QR كود بويىنشا كٸرە الادى, دەپ حابارلايدى قازاقپارات.
بۇل تۋرالى ۇوك سپورتتىق مەديتسينا جەنە انتيدوپينگ دەپارتامەنتٸنٸڭ جەتەكشٸسٸ لاۋرا ۋكبەنوۆا مەلٸم ەتتٸ.
ونىڭ ايتۋىنشا بەيجٸڭگە ۇشىپ كەلگەن وليمپياداشىلار قاتاڭ تەكسەرٸستەن ٶتەدٸ. بۇل جارىستى قابىلدايتىن مەملەكەتتٸڭ كوۆيدكە قارسى شارالارى بولىپ سانالادى.
«وليمپياداشىلارمەن بٸرگە قىتايعا سپورتتىق دەرٸگەرلەر دە اتتاندى. ولار ۆيرۋستى ينفەكتسيياعا قارسى ەمدەۋ شارالارىن جٷرگٸزەدٸ. ويىنعا قاتىسۋشىلار وسىعان دەيٸن مٸندەتتٸ تالاپتاردى ساقتادى. ول مٸندەتتەر ۇشار الدىندا كارانتينگە جاتۋ, كٷن سايىن ۆيرۋسقا تەست تاپسىرۋ, گەولوكاتسييانى باقىلاپ وتىراتىن موبيلدٸك قوسىمشانى قولدانۋ. قاتىسۋشىلاردىڭ بەرٸ قاتاڭ تەرتٸپتٸ ساقتادى. قىتايداعى بارلىق وليمپيادالىق نىساندار QR كود بويىنشا كٸرگٸزەتٸن بولادى», - دەيدٸ لاۋرا ۋكبەنوۆا.
XXIV قىسقى وليمپيادا 4-20 اقپان ارالىعىندا بەيجٸڭدە ٶتەدٸ. وعان قازاقستان قۇراماسىنان بارلىعى 34 سپورتشى قاتىسادى, ولار 87 جولداما جەڭٸپ الدى. قازاقستاندىقتار شاڭعى جارىسى, فريستايل اكروباتيكا جەنە موگۋل, كونكيمەن جٷگٸرۋ, شورت-ترەك, بياتلون, تاۋ شاڭعىسى, تۇعىردان سەكٸرۋ, شاڭعى قوسسايىسى سيياقتى 8 سپورت تٷرٸنەن سىنعا تٷسەدٸ. وندا 109 مەدال جيىنتىعى ساراپقا سالىنادى.
