Ortasha jáne uzaq qashyqtyqqa júgiretin britandyq sportshy Mo Fara Tokio qalasynda ótetin Olimpiada oiyndarynan keiin sporttyq mansabyn aiaqtaýǵa nietti. Bul týraly The Times gazeti habarlady.
«Bul jóninde buryn da aitqanmyn, qazirgi kezde de buǵan nietim bar. Olimpiadany esepke almaǵanda, men taǵy bir-eki marafon ótkizip, osymen támamdaimyn. Men ýaqyttyń kóbin balalarymmen birge ótkizýim kerek», - dedi Fara.
Fara 38 jasta, ol 2012 jáne 2016 jylǵy Olimpiada oiyndarynda 5 000 m jáne 10 000 m júgirýden eki altyn medaldan jeńip alǵan. Sondai-aq, onyń qanjyǵasynda álem chempionattaryndaǵy alty jeńis pen Eýropa chempionattarynda qol jetkizilgen bes jeńis bar. Sportshy buǵan Alberto Salazardyń jetekshiligimen jattyqqan kezde qol jetkizdi. Fara sondai-aq eki mil (3 218 m) qashyqtyqqa júgirýden álemdik rekord ornatqan.
