Búgin Qytai astanasy Beijiń qalasynda ótip jatqan Aq Olimpiada oiyndarynyń 6-shy kúni de artta qaldy, dep habarlaidy QazAqparat.
Kún sanap Olimpiada oiyndary tartysqa tola tústi. Medalǵa talas barysynda kóshbasshy elder ózderiniń myqtylyǵyn dáleldep qana qoimai, keibir sport túrlerinen rekordtar jasaýda. Jalpy medaldar kestesi kún saiyn jańaryp jatyr. Júlde alǵan memleketter sany da kún sanap artýda.
Aitalyq, eki kúnnen beri Germaniia altyn medaldar jaǵynan eshkimge des berer emes. Olardyń qorjynynda 6 altyn, 3 kúmis júlde bar. Ekinshi orynda 5 altyn, 3 kúmis, 4 qola medalmen Norvegiia quramasy kele jatyr. Búgin úshinshi pozitsiiaǵa keshe ǵana jalpy esepte 6-shy orynda turǵan Avstriia quramasy kóterildi.
Medaldar kórsetkishimen úzdik ondyqta turǵan elder:
1. Germaniia - 6 altyn, 3 kúmis
2. Norvegiia - 5 altyn, 3 kúmis, 4 qola
3. Avstriia - 4 altyn, 5 kúmis, 4 qola
4. AQSh - 4 altyn, 5 kúmis, 1 qola
5. Niderlandy - 4 altyn, 3 kúmis, 1 qola
6. Shvesiia - 4 altyn, 1 kúmis, 2 qola
7. Qytai - 3 altyn, 3 kúmis
8. Italiia - 2 altyn, 4 kúmis, 2 qola
9. Resei - 2 altyn, 3 kúmis, 6 qola
10. Sloveniia - 2 altyn, 1 kúmis, 2 qola
Aita keteiik, dál búginge deiin Olimpiada medaline qol jetkizgen elder qatary 24-ke jetti. Onyń ishinde 19 memlekettiń qorjynynda altyn medal bolsa, 22 memleket kúmis júlde aldy. Vengriia sportshylary 2 qola medal jeńip alsa, Latviia men Polsha bir-bir «qolamen» sońǵy oryndardy ózara bólisip tur.
Ókinishke qarai Qazaqstan qorjyny ázirge bos.
