بٷگٸن قىتاي استاناسى بەيجٸڭ قالاسىندا ٶتٸپ جاتقان اق وليمپيادا ويىندارىنىڭ 6-شى كٷنٸ دە ارتتا قالدى, دەپ حابارلايدى قازاقپارات.
كٷن ساناپ وليمپيادا ويىندارى تارتىسقا تولا تٷستٸ. مەدالعا تالاس بارىسىندا كٶشباسشى ەلدەر ٶزدەرٸنٸڭ مىقتىلىعىن دەلەلدەپ قانا قويماي, كەيبٸر سپورت تٷرلەرٸنەن رەكوردتار جاساۋدا. جالپى مەدالدار كەستەسٸ كٷن سايىن جاڭارىپ جاتىر. جٷلدە العان مەملەكەتتەر سانى دا كٷن ساناپ ارتۋدا.
ايتالىق, ەكٸ كٷننەن بەرٸ گەرمانييا التىن مەدالدار جاعىنان ەشكٸمگە دەس بەرەر ەمەس. ولاردىڭ قورجىنىندا 6 التىن, 3 كٷمٸس جٷلدە بار. ەكٸنشٸ ورىندا 5 التىن, 3 كٷمٸس, 4 قولا مەدالمەن نورۆەگييا قۇراماسى كەلە جاتىر. بٷگٸن ٷشٸنشٸ پوزيتسيياعا كەشە عانا جالپى ەسەپتە 6-شى ورىندا تۇرعان اۆسترييا قۇراماسى كٶتەرٸلدٸ.
مەدالدار كٶرسەتكٸشٸمەن ٷزدٸك وندىقتا تۇرعان ەلدەر:
1. گەرمانييا - 6 التىن, 3 كٷمٸس
2. نورۆەگييا - 5 التىن, 3 كٷمٸس, 4 قولا
3. اۆسترييا - 4 التىن, 5 كٷمٸس, 4 قولا
4. اقش - 4 التىن, 5 كٷمٸس, 1 قولا
5. نيدەرلاندى - 4 التىن, 3 كٷمٸس, 1 قولا
6. شۆەسييا - 4 التىن, 1 كٷمٸس, 2 قولا
7. قىتاي - 3 التىن, 3 كٷمٸس
8. يتالييا - 2 التىن, 4 كٷمٸس, 2 قولا
9. رەسەي - 2 التىن, 3 كٷمٸس, 6 قولا
10. سلوۆەنييا - 2 التىن, 1 كٷمٸس, 2 قولا
ايتا كەتەيٸك, دەل بٷگٸنگە دەيٸن وليمپيادا مەدالٸنە قول جەتكٸزگەن ەلدەر قاتارى 24-كە جەتتٸ. ونىڭ ٸشٸندە 19 مەملەكەتتٸڭ قورجىنىندا التىن مەدال بولسا, 22 مەملەكەت كٷمٸس جٷلدە الدى. ۆەنگرييا سپورتشىلارى 2 قولا مەدال جەڭٸپ السا, لاتۆييا مەن پولشا بٸر-بٸر «قولامەن» سوڭعى ورىنداردى ٶزارا بٶلٸسٸپ تۇر.
ٶكٸنٸشكە قاراي قازاقستان قورجىنى ەزٸرگە بوس.
