Italiianyń Triest qalasynda sý dobynan Tokio Olimpiadasyna irikteý týrnirinde Qazaqstan áielder quramasy endi 5-8 oryndar úshin synǵa túsedi, dep habarlaidy "Ult aqparat".
Qazaqstandyq vaterpolshylar shirek finalda Niderlandy qyzdaryna jol berdi. Esep 6:19 (1:5, 2:4, 0:4, 3:6). Qazaqstan quramasynan Aijan Aqylbaeva, Daria Roga, Anna Týrova (2), Daria Mýraveva jáne Anastasiia Eremina mergendik tanytty.
Endi qazaqstandyq sportshylar 5-8 oryndar úshin Slovakiiamen sheberlik baiqasady. Sondai-aq, jarystyń atalǵan satysynda Frantsiia men Izrail quramalary kezdesedi. Jeńgen quramalar 5-6, jeńilgenderi 7-8 oryn ielerin anyqtaidy.
Esterińizge sala ketelik, Qazaqstan qyzdary V tobynda synǵa tústi. Alǵashqy oiynda Grekiiadan 5:13, odan keiin Vengriiadan 6:23 esebimen jeńildi. Sońǵy oiynda Izrailmen 7:7 esebimen teń oinady.
Aita keteiik, irikteý týrnirinde jartylai finalda Niderlandy men Grekiia, Vengriia men Italiia quramalary synǵa túsedi. Olimpiadaǵa eki joldama beriledi. Jeńgen eki qurama finalda, jeńilgenderi 3 oryn úshin saiysqa túsedi. Irikteý týrniri 24 qańtarda máresine jetedi.
Esterińizge sala ketelik, Qazaqstan quramasy Olimpiadada eki márte baq synady. 2000 jyly - 6, 2004 jyly - 8 oryn aldy.
