Qazaqstan Phenchhandaǵy (Ońtústik Koreia) Qysqy olimpiada oiyndarynda altyn alǵan sportshyǵa jáne onyń bapkerine 250 myń dollardan beredi, - dep habarlady mádeniet jáne sport ministrligi sport komitetiniń tóraǵasy Elsiiar Qanaǵatov.
Onyń aitýynsha, kúmis alǵan sportshyǵa 150 myń dollar, al qola alǵan sportshyǵa 75 myń dollar beriledi. Ol Qazaqstan quramasy Phenchhandaǵy oiyndarda Sochi olimpiadasynda kórsetken nátijeni, qoldan kelse odan asyp túsýdi maqsat etip otyr.
Qazaqstan quramasy bul olimpiaǵa ázirge 49 litsenziia utyp alǵan. Qazaqstan sportshylary olimpiadaǵa fristail, shańǵymen júgirý, mánerlep syrǵanaý, short-trek, konki, tramplinnen sekirý jáne shana sportynan qatysady.
Phenchhan qalasyndaǵy Qysqy olimpiada 9-25 aqpanda ótedi. Olimpiadanyń ashylý saltanatynda Qazaqstan týyn short-trekshi Abzal Ájǵaliev ustap shyǵady.
