Beijiń Olimpiadasynda short-trekten erler arasyndaǵy 1500 metr distantsiiada Ádil Ǵaliahmetov finalǵa ótti, dep habarlaidy QazAqparat.
Jartylai finalda Ǵaliahmetov sońǵy, úshinshi topta júgirdi. Ol atalǵan qashyqtyqty 2:18.31 ýaqytta baǵyndyryp, Olimpiada oiyndarynyń aqtyq synyna joldama aldy.
Qazaqstandyq short-trekshi 1/2 kezeńdi sátti bastady. Márege jaqyndaǵan tusta ony qarsylastary basyp ozyp, keiin Ádil qaitadan shabýylǵa shyqty.
Osy tusta qytailyq Jen Tsze Vei alǵa ozbaq bolǵan sportshymyzdy jarys jolaǵynan shyǵaryp jiberdi.
Uzaq ýaqyt boiy aqyldasqan tóreshiler qytailyq sportshyǵa penalti berip, jarystan shettetti. Al Ádil Ǵaliahmetov A finalyna joldama aldy.
Ol aralyq 6-orynǵa ie boldy. Biraq beineqaitalaýdy kórgennen keiin Qytaidan kelgen sportshy jarystan shettetilip, Ǵaliahmetov finalǵa joldama aldy.
Eske salaiyq, 1/4 finalda Ádil Ǵaliahmetov taǵy bir jerlesimiz Denis Nikishamen birge distantsiiaǵa shyqqan bolatyn. Alaida Nikisha gollandiialyq Itshak de Laatpen soqtyǵysyp, jarystan shettep qaldy.
Al Ǵaliahmetov ekinshi orynnan jartylai finalǵa joldama aldy.
