بەيجٸڭ وليمپياداسىندا شورت-ترەكتەن ەرلەر اراسىنداعى 1500 مەتر ديستانتسييادا ەدٸل عالياحمەتوۆ فينالعا ٶتتٸ, دەپ حابارلايدى قازاقپارات.
جارتىلاي فينالدا عالياحمەتوۆ سوڭعى, ٷشٸنشٸ توپتا جٷگٸردٸ. ول اتالعان قاشىقتىقتى 2:18.31 ۋاقىتتا باعىندىرىپ, وليمپيادا ويىندارىنىڭ اقتىق سىنىنا جولداما الدى.
قازاقستاندىق شورت-ترەكشٸ 1/2 كەزەڭدٸ سەتتٸ باستادى. مەرەگە جاقىنداعان تۇستا ونى قارسىلاستارى باسىپ وزىپ, كەيٸن ەدٸل قايتادان شابۋىلعا شىقتى.
وسى تۇستا قىتايلىق جەن تسزە ۆەي العا وزباق بولعان سپورتشىمىزدى جارىس جولاعىنان شىعارىپ جٸبەردٸ.
ۇزاق ۋاقىت بويى اقىلداسقان تٶرەشٸلەر قىتايلىق سپورتشىعا پەنالتي بەرٸپ, جارىستان شەتتەتتٸ. ال ەدٸل عالياحمەتوۆ ا فينالىنا جولداما الدى.
ول ارالىق 6-ورىنعا يە بولدى. بٸراق بەينەقايتالاۋدى كٶرگەننەن كەيٸن قىتايدان كەلگەن سپورتشى جارىستان شەتتەتٸلٸپ, عالياحمەتوۆ فينالعا جولداما الدى.
ەسكە سالايىق, 1/4 فينالدا ەدٸل عالياحمەتوۆ تاعى بٸر جەرلەسٸمٸز دەنيس نيكيشامەن بٸرگە ديستانتسيياعا شىققان بولاتىن. الايدا نيكيشا گوللاندييالىق يتسحاك دە لااتپەن سوقتىعىسىپ, جارىستان شەتتەپ قالدى.
ال عالياحمەتوۆ ەكٸنشٸ ورىننان جارتىلاي فينالعا جولداما الدى.
