Qazaqstan hokkei federatsiiasy «N» komandalar toby Olimpiada aldyndaǵy irikteý týrniriniń 3-shi kezeńi matchyna biletter josparlanǵan merzimnen kesh túsetinin habarlady, dep jazady «SPORTINFORM» SAA.
Budan buryn biletter satylymy OO-2022 irikteý týrniriniń 2-shi kezeńinen keiin, atap aitqanda 15 jeltoqsanda Barselonada ótken Ispaniia-Niderlandy matchynan keiin bastalady dep boljanǵan edi. Alaida, oiyn muzdyń sapasyna bailanysty aiaqtalmai qaldy.
Halyqaralyq hokkei federatsiiasy (IIHF) bul matchty 2020 jyldyń 8 qańtarynda Barselonada qaita ótetinin jariialady.
Osylaisha, irikteý týrniriniń 3-shi kezeńinde Qazaqstan ulttyq quramasynyń úshinshi qarsylasy kelesi jyldyń qańtarynda belgili bolady.
IIHF erejesine sáikes, Niderlandy quramasy jeńiske jetse, gollandiialyq hokkeishiler Nur-Sultanǵa keledi. Eger Ispaniia komandasy jeńiske jetse, «Barys Arenada» «M» tobynyń 2-shi kezeńinde jeńgen Horvatiia quramasy oinaidy. Al, Ispaniia Sloveniiaǵa barady.
«N» tobynyń 3-kezeńiniń matchy Qazaqstan astanasynda «Barys Arenada» 2020 jyldyń 6-9 aqpan aralyǵynda ótedi. Qazaqstan quramasy úsh match ótkizedi: 6 aqpanda Ýkrainamen, 7 aqpanda Niderlandy/Horvatiiamen, 9 aqpanda – Polsha komandasymen oinaidy.
